Björn Afzelius
| Björn Afzelius | |
|---|---|
 | |
| Melumato şexsi | |
| Dewlete | İswec |
| Cınsiyet | Camêrd |
| Cayê biyayışi | Huskvarna |
| Biyayış | |
| Merdış | (Västra kyrkogården, Göteborg de merdo) |
| Cayê merdışi | Gothenburg(Kanserê cigera sıpey ra merd) |
| Gure | Bestekar, deyırnuştoğ û muzisyen |
| Zıwani | Swêdki |
| Enstrumanê cınıtene | Gitar |
| Keyepele | bjornafzelius.com |
Björn Svante Afzelius, ser 1947 menga 27 çıle dı, İsweç dı, mıntıqa Småland u suka Huskvarna dı marda xü ra biyo u ser 1999 16 mengda sebati suka Göteborg dı şiyo réhmet (héqeyda xü ser). Afzelius, dêrvatox, kompozitor, şair u gitarceneyox o u nezdiyê 2,5 milyon albümê roşyayo.
Heyatê cı
[bıvurne | çımeyi bıvurne]Sera 1955 dı ailey Afzelius Huskvarna ra kêy xü bar kenê şınê suka Stockholm beldey Hökarängen dı ca benê u sera 1961 dı bar kenê şınê mıntıqa Skåne u sukda Landskrona dı ca benê. Afzelius dıma 1963 dı, bı xü sıno sukda Malmö dı ca beno u albümê ciyê sıfteyını sera 1976 dı bı namedê ”För kung och fosterland” (Qandê qıral u welat) veceno. Dıma no albümê xü dano pıro sıno suka Göteborg dı ca beno. Wextê Afzelius en vêşi İtalya dı suka Ligurien dı ravêrneno. Wextê do dur u derg uca ca beno. Afzelius zaf dêr u şiirandê xü uca İtalya dı nuşnayo.
Ser 1970 ra tepya no bı ebazandê xü yê Mikael Wiehe, Peter Clemmedson xırubê Hoola Bandoola vırazenê. Şiirê nina bı gıraney kıritikê cüwayışi seroyo u fıkrê cı fıkrê sosyalistan o. Björn Afzelıus u Mikael Wiehe hetê siyaseti dı zaf xürt biyê u nêy héme şan u vêyveyan dı qandê héqê pawutenda insanan cayê xü gırotê.
Afzelius 25 seri miyan dı ser 150 dêri nuşnayo. Mabênê Björn Afzelius bı jurnalistê Swediyana qet rınd nêbiyo. Xezteciyê Swêdiya derheqdê cı dı zaf çiyê xırabi nuşnayê. Labırê Norweç u Danimarka dı namey Afzelius hem sınasêno u hem zi jurnalistê nêy welatan Afzelius, veng u dêri Afzeliusi zaf hézkenê.
Şirketê Afzelius Transmission ser 1987 iflas keno u Afzelius newedera juna stüdyo bı namedê Rebelle akeno. Namey Rebelle, nameyê kêynerdandê cı ra yeno. Nameyê kêynandê cı Rebecca u Isabelle ya.
Sera 1996 dı xırubê Afzelius Hoola Bandoola bı newedera vıcênê turney Swêd. Nêy Malmö, Landskrona u Göteborg dı konseri vırazenê. Dıma merdenda Afzelius na xırub hirê ser pêser yenê pêhetı.
Ser 1997 dı Afzelius xeber gêno kı, êy dê nêweşeyda qansêrda (külo bêderman) ê cigeri vıcyayo. Héta merdenda xü zi no fek karê xü ra nêverdano u dêri vırazeno u albümê ciyê "Elsinore" nezdi qeydyayen biyo kı no şiyo héqeyda xü ser. Afzelius ézay Vänsterpartiet (Partiyê Çepı) bi.
Diskografiya cı
[bıvurne | çımeyi bıvurne]Ser 1971-1975 bı xırubê Hoola Bandoola
Bewnı: Hoola Bandoola Band(http://sv.wikipedia.org/wiki/Hoola_Bandoola_Band)
Albümê ciyê soloy
[bıvurne | çımeyi bıvurne]- 1974 - Vem är det som är rädd? [Kamo terseno?]
- 1976 - För kung och fosterland [Qandê qıral u welat]
- 1978 - Johnny boy [Laceko Jonny]
- 1979 - Bakom kulisserna [Peyniyê Kulisan dı]
- 1979 - Another Tale To Tell
- 1984 - Afzelius; sång & gitarr [Afzelius; dêr & gitar]
- 1987 - Riddarna kring runda bordet [şowelyey çorşmey masay kılorı dı]
- 1988 - Don Quixote [Don Kişot]
- 1988 - En man, en röst, en gitarr [ju mêrdek, ju veng, ju gitar]
- 1990 - Tusen bitar [Hézar lete]
- 1991 - Nidaros
- 1992 - Afzelius, Bygren, Råstam
- 1994 - Nära dej [Nezdi to]
- 1997 - Tankar vid 50 [Nezdiyê ser 50 dı virardenı]
- 1999 - Elsinore
- 1980 - Globetrotter
- 1982 - Danska nätter [Werdenda Danimarqi]
- 1982 - Innan tystnaden [Verê bêvengey]
- 1984 - Exil [Sirgun]
- 1985 - Nio liv [New gani]
- 1986 - Grande Finale
Dêrê ciyê naskerdey
[bıvurne | çımeyi bıvurne]- Sång till friheten (1982) [Ju dêrı qandê serbestey]
- Svarta gänget (1985) [Xırubê siyay]
- Tusen bitar (1990) [Hézar lete]
- Ikaros (1984)
- Isabelle (1984)
- Rebecca (1988)
- Hiroshima (1984) [HiroŞima]
- Dockhemmet (1985) [Kêye]
- Ljuset (1986) [Şewq]
- Fröken Julie (1976) [Julie xanım]
- Farväl till släkt och vänner (1999) [Xatirdê sıma xısım u embazi]
- Balladen om K. (1979) [Balad qandê K.]
- Under Sions kalla stjärna (1988) [Bı estareyê Sionê cemidyayey dı]
- Odyssevs (1987)
- Medan bomberna faller (1982) [Verê bonbey varanê]
- Du (1994) [Tı]
- Till min kära (1982) [hèzkerdeyê mi rê]
- En kungens man (1982) [Merdımê qırali]
- Född fri (1997) [Serbest ameyo dınya]
- Mona-Lisa (1990)
- Ett särskilt minne (1999) [Virardenda Şéxsi]
Roman
[bıvurne | çımeyi bıvurne]- 1993 - En gång i Havanna [Wextêdo Havana dı]
Çımey
[bıvurne | çımeyi bıvurne]- http://www.bjornafzelius.com/ Archived 2006-11-06 at the Wayback Machine
- http://sv.wikipedia.org/wiki/Bj%C3%B6rn_Afzelius
- http://www.susning.nu/Bj%F6rn_Afzelius Archived 2008-06-30 at the Wayback Machine