Psîkosomatîk
(Psikosomatik ra ame ardış)
Nêweşîyê ke karîgerîya faktoranê psîkolojîk û bedenî ra vejîyenê, binê nameyê psîkosomatîk de top benê. Xora psîkosomatîk çekuyêka Yunankî ya û Yunankî de seba ruhî psyche û seba bedenî zî soma vajîyayêno.
Aşwişe, teşwişe, stres, qerqilîyayîş benê semedê na nêweşîye. Eke merdim stres û aşwişe û teşwişeyê xo deşarj nêkero yan zî kanalîzeyê sebna rayiranê bêziraran nêkero, mudeyêk ra pey serê bedenî merdimî de kar kenê. Ciwanîyê de sipîbîyayîşê porî, egzama, nêweşîyê mirduneke, dejê sereyî, bêhalîye, lazbatalîyayîş seba nêweşîyanê psîkosomatîkan çend nimune yê.