Ferîddudîn Attar

Ferîddudîn Attar
Melumato şexsi
Dewlete	İran
Cınsiyet	Camêrd
Cayê biyayışi	Nişabur
Biyayış	Adar 1145
Merdış	26 Nisane 1221 (Attar Mausoleum de merdo)
Cayê merdışi	Nişabur
Gure	Filozof, şair, nuştekar, pharmacist, Biyografwan, mystic û Sufi
Zıwani	Farski
İtıqad	Sunni Muslim

Ferîduddin Attar (bi farskî: فرید الدین عطار‎), bacarê Nişabûrî ya Horasanî de serrê 1120 ameyo dinya û serrê 1220 / 21 de weşîya xo kerda vinî, merdo. Ferîduddin Attar şaîranê farisiyê namdaran ra yo. Teyna şaîr nîyo, eynî wext de mutasavif, hekîm û dermankar o. Êy semedeyê hekimtîya û dermankarîya xo nameye Attar î girewto. Êy zaf eserê muhîmî xo dima verdayê. Kalekê Hafiz û Rumî de sofîyanê îranijanê tewr girdan ra yew o.

Ciwîyayişê êyî

Attar qijîya xo ra bacarê Nîşabûrî mintiqntiqaya Şadyah de dikanê pîye xo de xebitîyeno û karê pîye xo museno / bander beno. Heto yew ra attarîye musayêne / bander bîyen, heto bîn ra îlîm û îrfan musayêne. Wexto gi merdim biewnîyo eseranê êy î ra vîneno ke o zaf weş ziwanê erebkî û îlmê dînî sey tefsîr, hedîs, kelam û fikih musayo. Eynî wext de êy îlîmanê hîkmet, felsefe, astrologiê û dermankarî ra zî rind fam kerdêne. Lakim nêy îlîman kamî ra musayo tarix de zaf zanayiş çînîk o. Êy wextê erişê mongolan da weşîya xo kerda vîndî, merdo.

Eserê êyî

Êy xo dima zaf eserê namdarî ca verdayê. Eserê êy o tewr namdar “ Mantiku´t- Tayr “ o. Mantiku´t Tayr serrê 1187 de nuşto û no eser 4724 beytî yo. No eserê êy î çarnîyayo a zaf ziwanan.

Eserê êy ê bînî wînayê:

• Dîwan
• Esrarname
• Musîbetname
• Îlahîname
• Cewahîrname
• Şerh-î Kelb
• Tezkîretul_ Ewlîya
• Muxtarname
• Husrevname

Galeriye

• 
  منطقالطیر
• 
  منطقالطیر
• 
  منطقالطیر
• 
  منطقالطیر