Mıhemmed

Isra u Mirac

Mıhemmed serra 571ine de Mekka de ameyo riyê dınya. Namey piyê xo 'Ebdullah biyo u namey maya xo ki Emina biya.

Mıhemmed be şeş-serre sey (yetim) mendo. Khalıkê dey 'Ebdulmuttalıb o kerdo weiye. Ebe 25-serre Mıhemmed be Xetica ra zeweciyao. Ebe çewres-serre wehyi diyê ke Heqi/Homay cı rê ayeti rıştê/şawıtê. 62-serranê xo de de Mıhemmed şi axırete. Mezela Mıhemmedi Medina dera.

Mısılmanan çım de Mıhammed peyxambero peyêno/axıro. Ey ra dıme endi peyğemberi niameyê riyê dınya.

O heyat de serba dinê İslami guriya/xebetiya. Labelê ey zaf zehmet diyo. Sıfte ey rê xanıma ey Xetica u lacê apê ey Eli iman kerd, ê mısılmanê tewr verêni biy.

Ebe Erebki nameyê peyğemberê zey Muhammed bin Abdullah (Lacê Ebdullahi Mıhemmed) vêreno.

Mısılmani wexto ke nameyê ey dekernenê, piya vanê "Sela ellahu eleyhi we sellem" (Erebki: صلى الله عليه و سلم, ṣelâ Allāhu 'eleyhi we sellem). Kılmkerdışê nê qısey nuştış de zey "s.e.w." beno u yeno be menaya "Sılam u rehma Homay ey sero bo".

Qıseyê peyğamberi

• Dı xesletan ra berzêr yew rındiye çıniya: Heqi/Homay rê bawerkerdene u qulanê Heqi/Homay rê faydeyınbiyayene.

Mena çekuyan

• xeslete m : xuya rındeke

Çımey

• Din, be zıwanê Zazaki