Belx (zıwanê Farski de: بلخ) wılayetê Efğanıstanio ke hirıs u çehar (34) wılayetanê Efğanıstani rao. Cayê wılayeti zımeyê Efğanıstani dero. Merkezê wılayeti Mezar-i Şerifo. Nıfusê wılayeti 1.123.948 merduman ra yeno pêro. No wılayet de xeylê şari cıwiyeni hama zafêrê şarê xo Farski qalkerdoğan ra yeno pêro. Namê wılayeti zi suka antike Belxi ra yeno. Belx tam miyanê Xorasani de maneno u na sebeb ra muhimo. Domê İskenderê Gırdi de no wılayetê bınê işğalê Yunanan de mendo, namê cıyo antik Baktriayo.
