C. M. Jacobson

Wikipediya ra ensiklopediya xosere
Tılo bê pusula Tılo bê Geyrayışi
C. M. Jacobson
Melumato şexsi
Dewlete

C. M. Jacobson, Zazayan miyan de cı ra Bıra Mıkail ki vanê, zıwanşınasê do Amerikayıco Bostonıco. Be gruba pêseroka Warey ra pia mucıdê Alfabey Ware/Jacobsonio ke nuştoğê Zazakiyê ke raya Piya u Warey ra yenê, gureynenê. Jacobson be xanıma xoya zıwanşınase M. Sandonatoe ra pia serranê 1992 (?) - 2003ıne de sûka Rüsselsheimi de Dêsımıcan miyan de mendi, Zazaki musay. Ê hurdımêna Amerika (DAY) ra amey biy ke zıwananê bındestan sero bıgureyê, xo rê Zazaki çinıto we.

Vıraştena Alfabey Zazaki u nuştekaranê Zazayan ra pia gurenayış (xebat)[bıvurne | çımey bıvurnê]

İnan be nuştekaranê pêseroka Warey ra pia inan serre de dı rey seminerê zıwani day. Nê semineran de inan tım be Zazaki qısey kerdêne. Oyo ke vengan sero ki xebetiyay, inan qıseykerdoğan ra ki qeydê vengi gırewtê ke seba pêserardena alfabey vengan analiz kerê. Nê xebatan ra kıtabê cıyo verên Rastnustena Zonê Ma be Zazaki u Almanki Verlag für Kultur und Wissenschaft (Bonn), 1993yıne de veciya, qeyde u qanunê imla nê kıtabi de day arê. No kıtab her çıqa ke fekê Gola Dêsımi esas gêno, merdum pê şeno Zazakiyê zımey ra fekanê binan de ki bınusno. Çapê nê kıtabiê dıyıne ki Estamol de, Vejiyayişê Tiji de veciya.

"Zazaca Okuma Yazma El Kitabı"[bıvurne | çımey bıvurnê]

No kıtabo ke be Tırki veciya, kıtabê mocnayışê (banderkerdışê) zıwanê Zazakiyê nuştışio, dı letan ra yeno pêser. Leteo yew Zazakiyê Zımey rê (gıraniye be Gola Dêsımi), leteo bin ki Zazakiyê Veroci (Sêwrege, Çêrmuge, Aldûş) rê abırrnaeyo. Kıtab be namey "Zazaca Okuma Yazma El Kitabı" (Kıtabê Zazakiyê wendış u nuştışiê desti) Verlag für Kultur und Wissenschaft (Bonn), 1997ıne de veciya. Nê Kıtabi sero 3 serri anci be nuştoğanê Zazaki ra pia gureyay. Tenya êyê ke Zazaki de wahêrê tercıbey biy nê, hele ke êyê ke xamê nuştışê Zazaki biy, fıkr u lomê inan ki gırewti verê çım.

Çarnayışê filmê weşiya İsay[bıvurne | çımey bıvurnê]

C. M. Jacobson anci be taê nuştoğan u qıseykerdoğanê Zazaki ra pia dest da projey çarnayışê filmê weşiya İsa Peyğamberi. No film belki çarnao 180 zıwan. Film be Zazakiyê Zımey, gıraniye be Zazakiyê Dêsımi (Kırmancki) VCD de veciya.

Enstitüyê Zazaki Frankfurt[bıvurne | çımey bıvurnê]

Jacobson be xanıma xo M. Sandonatoe ra pia ezaanê ronaoğanê Enstitüyê Zazaki Frankfurti de ca gênê.

Ageyrayış[bıvurne | çımey bıvurnê]

Serra 2003yıne de o be xanıma xo ra pia anci geyray a welatê xo Amerikay Zımey, be Boston.

Bibliyograyfa[bıvurne | çımey bıvurnê]

  • Raştnuştena Zonê Ma (1993, 1997)
  • Zazaca Okuma Yazma El Kitabı (1997)

Meqaley[bıvurne | çımey bıvurnê]

  • Herfê Gırêdaişi Y u W (Ware, Amarê 12.)
  • Jacobson, C.M. / M. Sandonato 1997: Zazaki se beno? ([Tija Sodıri – Perloda Zon u Zagonê Kırmanc-Zazay, 4. Sayı, s. 9-12. Frankfurt|Tija Sodıri])