Cemat
Cemat gruba merdımana ke şena hetê amari ra gırd ya zi qıtek bo. Cematê merdıman hetê norm, itıqad u kamiya xo ra yewbini ra bestiya. Vênayışo biyolocik ra cemat ganiyê ke yew ca de weşiya xo ramenê, gruba inana. Cemat tek teyna biyayış ra abırriyeno ke coka maney xoyo cıya esto, gani yew ra vêşêr merdımi yenê pêra. Merdım pê cemati sosyalizasyonê xo keno temam. Coka hetê sosyalizasyoni ra ehemiyetê cı esto.
McMillan u Chavis (1986) çehar paê yew cemati kenê a:
- Eza: key merdım xo bestneno gruba xo, xo ezay a grube vêneno,
- Tesir: ehemiyetê xo vênayış, key cemat ehemiyet dano ezanê xo,
- Yewbiyayış: key ezay benê yew u çı gani bêro kerdış, yeno kerdış,
- Hetê hissi ra yewbiyayış.
Cemat hetê rıçıkê xo ra zıwanê Erebki jāmaā (جماعة) ra kewto Zazaki u zıwananê binan de varyantê bini ê cı estê. Be xo komi areze keno.