Dıstari

Wikipediya, ensiklopediya xosere ra

Dıstari: Dıstari dı siyan ra vırazêna. Herayey û loxeya ê wırna siyan zey pê ya. Wırna siyê dıstari zi zey tekerandê erebana roverdıkê. Miyandê sida bınênı dı asınê yeno ronıştenı. Hemver ey sida corênê miyan dı zi qülêda dı qatê ê asındê sida bınêni abıyêna. Koşedê cordê sida corêyını sero zi desteyê yeno ronıştenı, qandê desta tepıştenı û tadayenı (çerxkerdenı). Asınê sida bınênı qülda sida serênêra ravêreno û si nışenê pê. A qülda sida seri ra çiyo kı yeno tahnayenı vıradeyêno. Desteyê seri yeno tepıştenı û siya seri yena tadayenı, çerxkerdenı. Bı no hesaba teneyo kı a qülı ra yeno vıradayenı, kewno wertedê ê wırna siyan û yeno werdikerdenı, tahnayenı. Dıstari hım bı jew merdımi ya, hım zi bı dı merdımana yena tadayenı, karardenı.

Dıstari dı qimelıx, bülxürlıx, küftelıx yeno tahnıtenı û vıraştenı. Bê ninan nebi, qıznawi û çiyo wına zi tey yeno tahnıtenı. Dıstari bı qüwetê destiya yena tadayenı (çerxkerdenı) û çiyo werdi tey tahneyêno. Dıstari zi ayreyê destanê ê wexti bı. Hewna zi newe dewandê ma dı dıstari estê û yenê karardenı.