Vaten:Zılfi Selcan/Edebiyatê Kaykerdene

Wikipediya ra ensiklopediya xosere
Xıl de be pusula Xıl de cıgeyrayışi

Domani ke wertê ho de kay kenê, jê kılamu qesu têdıma vanê ke, ero gos wes yenê. Peyniya na qesu eve qafiye qedina. Na qesê kaykerdene ki edeviyatê xelki ra say benê. Edeviyatê kay- kerdene ra hirê torey estê:

Mordene[çımey bıvurnê]

Domani, wertê ho de bırinê ra, benê dı sırey. Sıra jüye ra jü, bêçıka ho fino fekê ho, mılneno, waxto ke vete, nano hevalê dotêni ra, qesê vano, qesê dıyine ke va, nano ho ra, oncia dotêni ra. Peyniye de ke kami de mend.

I.

Akule dakule

çar u çemver

mısk u hemver

as tos

tıngıla fıs


Ekıle, mekıle

Bıskıze, xemele

çar u çember

mısk u hember

(t)as tos

tıngıla fıs


II.

Ekıle, mekıle

Bıskıze, xemele

yara bınge

paq u lınge

sam sune

hat bure

ket bıra

çıkolo bıra


Ğeletnais[çımey bıvurnê]

Qesey, jê kılamu leto jêde eve qafiye vajinê. Qesey ve hostaêni heni têdıma vajinê ke, jüy ke vati, gereke pêt vazo, hem ki ho meğeletno, sas mekero. Hurdi çekuyê peyêni gereke boyna têdıma vajiyê, ya hata ke qefeliya, ya ki hata ke ho sas kerd.

I.

Na pençere de tusko

Ha pençere de mısko

Son çê tuski, tuski won

Son çê mıski, tuski won


II.

Na pençere de thıriye

Ha pençere de riye

Son çê thıriye, thıriye won

Son çê riye, thıriye won


III.

Na pençere de eskıze

Ha pençere de aspıze

Son çê eskıze, eskıze won

Son çê aspıze, eskıze won


IV.

Son çê goze, goze won

Son çê xoze, goze won


V. Muriye gır biye, muriye won

Ci gır bi, muriye won


VI.

Kamo qal keno, qalê lazê Qerê kherri keno?

Heq vo pir vo! Kes qalê lazê Qerê kherri nêkeno.


Pers u Cüav[çımey bıvurnê]

Waxto ke domani kay kenê, jü pers keno, jüyo bini ki cüav dano, kami ke zana.

- Sona koti ?

- Son suke.

- Seveta çınay?

- Seveta kıncunê veyvıke.

- Çı ana ?

- Niştanê qılıke

- Zovina çı ana?

- Pozmıkê pırnıke, kam ke nêzano kırê diki de pipıke

Nuştoğ: Zılfi Selcan

[[Kategoriye:Edebiyat]] [[Kategoriye:Edebiyatê Zazayan]]