Erdebil (eyalet)

Wikipediya ra ensiklopediya xosere
Jump to: şiyayış, Cı geyre
Eyaletê Erdebili

Eyaletê Erdebili (Farski de: استان اردبیل, Ostān-e Ardabīl) hirıs u yew ostananê İrani ra yewo.

Cayê eyaletê Erdebili zımey İrani de mıntıqa ke namê Azerbaycanê İrani gêna, uca de ca gêno. Dormey ra zımey cı de Cumhuriyetê Azerbaycani rocvetış ra ostanê Gilani u hetê veroci ra Zencan u rocawan ra zi Azerbaycanê Rocvetışi estê. No eyalet panc 5 şehrıstanan ra yêno pera: Parsabad, Bilasavar, Germi, Meşkinşehr u Namin) u be Azerbaycani ra hıdudê xo 282,5 kmo. Royê Aras u Belhay naca de ca gênê u 159 kmy nê hıdudi vırazenê.

Serra 1993yıne de hukmatê İrani eyaletê Azerbaycanê Roşvetışi u erdê eyaletê Gilaniê zımey lete kerdê, u ostano newe (yani eyaleto newe) vıraşto u be namê Erdebili namenayo. Erdê xo pêro-piya 17.881 km²o, nıfusê xo zi 1.257.624 teno. Merkezê idarekerdışi, suka ke eyalet rê namê xo dana, suka Erdebilio. No eyalet de zafêri Azeri cıwiyenê, Azeriyan teber de zi Tati, Talışi u Gileki estê.