Fitness

Wikipediya ra ensiklopediya xosere
Jump to: şiyayış, Cı geyre
Ceniye gureynayışê dumbbelli kena

Fitness arezey vatey fitnesssi, weşiye de u form de mendışo. Fitness jü sporo ke zerrekê xo de xeylê sporê bini u qıteki esti. Fitness de teberê sporê bini de, pê aleti ya zi pê aletani ra, bazi şızenayış u gureynayışo u bazi quwetın kerdışo. Esasen heme lızgey spori de egzersizê ke fitnessi de esti ca gêni ya zi jü egzersizo ke tenya jü lızgey spori de esto şeno fitness miyan de ca bıgıro. Çunke heme sporan de, grubê baziê ke beden de hêdi gureyenê estê. Egzersizê ke semedê grubê bazan sero kondisyon vıraştış benê, fitness de zi ca gêno u gureyeno.

Her teni sero, programê antrenmankerdışi esto ki teni no programi sero şıro. Ema sporê fitnessi de jü programo standard çıniyo. Her program ten be ten, her serre de ya zi her wucıdi sero vureno. Seba fitness raşt kerdene u bedenê xo raştvıraştene, bazvıraştene, gani jü zana est bo. Merdum/merdume şeno her serre de eno fitness kero/kera. Merdumo ke des u şeş (16) serreo ya zi merdumo ke poncas u ponc (55) serreo, şeno fitness kero u bedenê xo weşiye bıdo.

Fitness u wucıdvıraştışi miyan de dı ferqi esti. Yewo ki fitness raveri seba weşiye de mendene yeno kerdene, binio ki antrenmanê fitnessi de karkerdışo kardiyovaskuler esto. A ri ra fitness de bazê merduman zaf nêresenê, tenya merdum/merdume asayışo estetik, weş u howl qezenc keno/kena.