Goştê xozi

Wikipediya ra ensiklopediya xosere
Jump to: şiyayış, Cı geyre
Goştê xozi pociyeno.

Goştê xozi dınya sero zaf weriyeno, tewr goştanê namdaran ra yewo.[1] Hetê tarixi ra goştê xozi heta İV 5000 şıno. Zaf zemanê veri dı merdıman goştê xozi werdêne. Fıkıriyeno kı Rocvetışê Miyani ya zi Çin dı merdıman xoz kerdo khedi (ehl). Xoz o taw ra nat zi hetê merdıman ra weriyeno.

Xoz zaf mıxtelif cayan dı bırniyeno. Ninan miyan ra jambon (but), bacon (pastırma), tenderloin (bonfile), chop (pirzola), ribs (qeburğa) tewr zaniyenê. Yew zi goştê xozi ra mehsulê goşti zey sosis, sucuk u salam vıraziyenê. Yewbinan ra ciya seyan dewletan dı mehsulê xozi estê.

Dinan dı cayê werdışê xozi[bıvurne | Çımey bıvırnê]

Dinê Mısılmanan u Cıhudan dı werdışê goştê xoz weş niyo, heram mariyeno. Xıristiyanan ra gore zi Homay Sondê Kıhani (Ehdo Kıhan) dı goştê xozi heram kerdo, Sondê Newey (Ehdo Newe) dı zi werdışê goştê xozi heram nêkerdo, Homay eno heram wedarno.

Referansi[bıvurne | Çımey bıvırnê]