Jim Jones

Wikipediya ra ensiklopediya xosere
Jump to: şiyayış, Cı geyre
Jim Jones

James Warren "Jim" Jones (13 Gulan 1931 - 18 Qasım 1978) merdımo kı kılisey "People's Temple" (Mabedê Merdıman) vıraşto u waizo Amerikano. In merdım sera 1978 dı Guyana dı xo rê dew (Jonestown) vıraşt, ınca dı 911 muridê xo iqna kerdê kı ê xo bıkışi, intıhar bıkeri u o zi unca dı bı muridanê xo ra piya merd.[1]

Jones Indiana dı ame dınya u seranê 1950an dı kuwto kılise u mabed. O kılise ra pey kiyê xo berd Kaliforniya u unca dı nam kerd. Sera 1970 dı unca dı ji erdlerz bi u coka Jones mabedê xo berd San Francisco.

Jones homoseksuel bi, coka medya ey sero zaf nuşto yew ji o duşgunê seksi bi u ana nas bi. Lajê Jonesi meyda ra vato ki piyê xo amfetamin, marijuana u LSD zaf guriyine. Mabedê merdıman, zenciy u sıpêy yewbinan ra cıra nêdi coka teberê ê binan dı mend. Coka zaf merdımê zenci mabed ra mensub biy. Muridan Jones ra "Pi" vatine. Jones inan ra Homa asayo.

Sera 1977 dı teriqatê mabedê merdıman, Guyana dı amey darıstan. Jones waşto kı o bı muridanê xo ınca dı heyatê kommunnali bıramo u mılet ra dûri bımano. Hama key kı ê heyatê suki ra veray, Jones xo nênımno kı o ilac gurino. Ey muridê xo ra provay xokıştışi dayine kerdış. Dezgeh u organizasyonê bini ra gore Jonestown de haqê merdıman ixlal biyine. Merdıman unca ziyaret kerdo, hama çiyê nêdiyo. Ziyaret ra pey mensubanê teriqati ponc merdımi kıştê. In hedise ra pey, a şew dı cıni, camêrd, laj u keyna, pıt u tût, 911 muridê Jim Jonesi u Jim Jones be xo, xo kıştê u merdê.[2]

Jim Jonesi merdımi iqna kerdê, raver qıjan siyanur şımıto u têdıma heta pilan her merdım siyanur şımıto u merdo. In qetliam ra pey zaf cıgêrayışi vıraziyay. Hewt qıjê Jim Jonesi est biy.

Referansi[bıvırne | çımey bıvırne]