Lecê İtıfaqê Peyêni
Lecê İtifaqê Peyêni yew cengê Cihanê Miyanênio. Lecê İtıfaqê Peyêni tewr (en) itıfaqo gırdo ke merdım û elfan vıraşto. Leci rê ordiyê Elendil û Gil-Galadi amey yewca, yew ordiyo gırd nao ro û waşto Sauron biyaro war. Lec ra ver İsuldur û Elendil amey yewca pê Gil-Galadi mışewre kerdo û itıfaq vıraziyao. Merdımi û Elfi pê yew quweta zaf gırde veciy raya herra rocvetışi (şerq). Elfi û ordiyê Arnor-Gondori zi amey yewca, biy arê. Dı hetê leci amey rast dormey Dagorladi de û pê ordiyê Sauroni lec kerdo. Ordiyê dı hetan zaf ordiyo gırd biyo ke Lecê Celali ra nat ordiyo bin nêveniyao zey enê ordiy. Lec de her mıleti biy dı parçey, tek tenya Elfi nêbiy dı parçe û şiy dımê qıralê xoyo gırd Gil-Galadi. Cuceyan ra yew lete kewtê miyanê ordiyê Sauroni. Eno lec de her dı hetan zi zaf leckeri kerdê vıni. Caê leci Dagorland de merdımi hende merdê ke inca hêdi hêdi biy mil. Coka zi tiya rê Milê Merdey vaciyao.
İtıfaqê merdım û elfan lec vısto xo dest. Dıma zi aver şiy heta miyanê Mordor, û qala Sauroni ke Mordor de zaf muhim biya dormey (çorşmey) Barad-Dûr gırewto. Dormegırewtışê Barad-Dûri hewt (7) serri ramıta û Anárion merdo. Cokao ke lec zaf derg biyo, Sauroni veciyo meydanê leci serra 3441 de. Gil-Galad û Elendili o diyo û be xo lec kerdo be ey. Her dı zi merdê, Sauron zaf biy zeyıf, Isildur pê qılıncê piyê xo Narsil engışta Sauron, bırna û engıştane destê Sauroni ra gırewto, kerdo xo dest. Bedenê Sauroni aniya biyo vıni, hama rohê cı vınderdo, nêmerdo ke dıma reyna veciyo.
Isildur pê tesirê engıştaney şaş biyo, engıştane kerdo engışta xo. Hama engıştane mergê ey biyo. Ey engıştane zaf gurenao, kışta yew roy de kışiyao. Engıştane zi kewto bınê roy. Heta embazê Gollumi engıştane di inca de mendo. Embazê Gollumi engıştane dıme ra diyo, hama nêşao bıtepışo xo dest de, hetê Gollumi ra kışiyao û Gollumi engıştane kerdo xo dest.