Mehemedê Kavarî

Wikipediya ra ensiklopediya xosere
Xıl de pusula Xıl de cıgeyrayışi
Mehemedê Kavarî
Bîyayiş 1941
Karê xo Nuştekar, Mela

Mela Mehemedê Kavarî (b. 1941, Şatos) yew şaîr û melayo Kird o.

Ciwîyayişê ey[bıvurne | çımeyi bıvurne]

Mela Mehemedê Kavarî 1941 de dewa Dara Hênî Şatos de ame dinya. Desserrîya xo de verê Hecî Eyşane (Ayşe Değer) de dest bi wendişê elîfbê kerd. Dima verê Ap Elê Mistî (Ali Gözegeç) de wendişê Quranî dewam kerd. Badê pey, mezraya Pêçarî Herpi de keyeyê Fehmî Begê Pêçarî de verê Hafiz Hîdayetî de Quran xitim kerd. Uca ra şi deşta Mûşî, reya verêne dewa Evdilbuharî de verê seyda Evdilayî de Xayet wend. Mela Mehemdê Kavarî seydayê xo Evdilayî ser o nê rêzî nuştê:

Wexto newe ti bî seyda bi hîşyarî / Ti bî seydayê dewa Evdilbuharî
Ez ameya mi dest kerd bi Îbnî Qasimî / Ez bêkes bîya, ti mi rê bî wayîrî

Mela Mehemedê Kavarî deşta Mûşî de dewanê sey Hunan, Xirba Feqîyan, Soxkom, Sorin û Tifnîg de wendişê xo dewam kerd. 1964 de ame bi Dîyarbekir. Camîya Hezretî Silêmanî de verê seyda Mela Şukrî de wend. 1965 de camîya Fatîh Paşayî (Kurşunlu Camii) de dest bi melayîya resmî kerde. Hetanî ke serra 1995 de teqawit bi, na camî de melayî kerde.

Eserê ey ke weşanîyayê[bıvurne | çımeyi bıvurne]

Mela Mehemedê Kavarî 2001 de dest bi nuştişê şîîran kerd. Vano, “Badê ke mi kitabê Ehmedê Xasî Mewlidê Kirdî wend, mi va, ez zî eşkena şîîran binusa.” Dîwanê xo yê şîîran ey bi xo 2005 de çap kerd.

Çimeyî[bıvurne | çımeyi bıvurne]

http://www.zazaki.net/haber/mela-mehemed-kavar-166.htm