Mitolociya Yunanan

Wikipediya ra ensiklopediya xosere
Tılo bê pusula Tılo bê Geyrayışi

Mitolociya Yunanan cihani sero mitolociyê da kıhana ke Homayanê neri u maykiyan, merdımanê pilan, kultur u cıwiyayışê Yunanan gêna xo miyan, estanık u hêkatan ra yena pêra. Ena mitolociya Yunanan zey mitolociyanê binan fek be fek vıla biya, dıma zi kağıde sero nusiyaya. Mitolociya Yunanan bınê kulturê mitolociyanê şaranê Rocvetışê Nezdi de menda. Yew zi a zi şaranê binan ra çiyê berda. Mitolociya İmperatoriya Roma zerrekê xo pêro mitolociya Yunanan ra gırewto.

Mitolociya Yunanan de caygeyê Homayan gırdo. Şeno bıvaciyo ke her çiyê sero Homa esto. Homayê Yunananê mitolociki nışenê ro Koyê Olymposi ser u ê uca ra erdi hetenenê. Dıwês (des u dı) Homayê mitolociki estê. Zeus be piyê xo ra lec keno, piyê xo ano cêr, meğlub keno u veciyeno ro textê piyê xo ser, beno serê Homayan. Hirê bırayi dınya lete kenê Zeus wayirê asmênan, Poseidon wayirê deryayan u Hades zi wayirê bınêherran benê.