Partîya Kurdistanîya Demokrate

Wikipediya ra ensiklopediya xosere
(Redirected from PDK-Îraq)
Jump to: şiyayış, Cı geyre
Amblemê PDK

Partîya Demokrate ya Kurdistanî (be Kurdkî: Partiya Demokrat a Kurdistanê), başurê Kurdistanî de partîyêka sîyasî ya.

Mala Mistafa Barzanî û eşîrê ey şerê verba dewleta Îraq û hêzê Îngîlîzan de vînd kerdbi û remaybî Mehabad. O çax Mehabad de hêzê dewleta Îran nêmendbi û weyra de Kurdî otorîte bî. Pêşewa Qazî Mihemedî tedarikê ronayîşê Komara Mehabad kerdîn. Û no rewşo azad seba xorêxistinkerdişê Kurdan miseît bi.

PDK no rewşo azad de, 1946an de Rojhilatê Kurdistanî de hetê Mele Mistafa Barzanî ra Mehabad de ronîyay. Serekê ci yo verîn Mele Mistafa Barzanî, cagîro yewin Şêx Letîf û cagîro dîyîn zî Kake Ziyad bî. Rojnameyê Rizgarî weşanê na partî bi. Hem bi partîyanê Îraq yê Sunnî û Şîa hem zî bi Sowyetan de mîyanê têkîlî de bî.

Mele Mistefa Barzanî ra pey Mesûd Barzanî bi serekê partî. Û hetanê nika zî partî rê serekê keno. Cagîrê ey Nêçîrvan Barzanî yo. Şerê Îran û Îraq de verba Sedam Hûseynî hetê Îran girewt.

1990 ra pey hem bi YNK de û hem zî bi PKK de kewt mîyanê şerê birakujî. Bi hezaran pêşmerge û gerîllayî Kurdistan nê şerê birakujîyê de şehîd kewtî.

Nika hem Herêma Federe ya Kurdistanî û hem zî seranserê Îraqî de partîya tewr bihêz a Kurdan a.