Projey Kulturi Dêsım - Qoçgiriye - Qerebêl

Projey Kulturi Dêsım - Qoçgiriye - Qerebêl (be Tırki: Dersim-Qoçgiriye-Qerebêl Kültür Projesi) projeyê dê nuskaran u zıwanzanano ke inan pê peşti u yardım peyniya nê projey de 4 kıtabi ardi meydan u nê eseri şewa projey da day şınasnaene (nas kerdene).

İsviçre, Almanya u Estamol ra taê nuskar u akademiysen u senatkaran ra, no proje yeno herune. Sermiyanê projey Tevfik Şahino.

Be Projey Kulturi Dêsım – Qoçgiriye – Qerebêli 4 kıtabi veciyay:

1. Lawıkê Qerebêli: Hetê Zera û Qangali (Sêvaz) ra lawıki (kılami, deyri); leteo zêde Zazaki, taê ki Tırki û Kırdaski. Arêker: Tevfik Şahin (Cefo Çarekız)
2. Kılamê Kırmanciye: Hetê zerrez Dêsımi (Mamekiye, Xozat, Ovacığe, Pılemoriye, Qışle, Mazgerd) ra lawık u sıwari; nê ki leteo zêde ebe Zazakiyê (Kırmanckiyê), taê ki Kırdaski. Arêker: Cemal Taş. Kıtabê Lawıkanê Dêsımi be nota û resman, ê lawıkanê Qerebêli be nota u CD de veciyay.
3. Kıtabê musnaena Zazaki “Şıma Zazaki zanenê?”, zıwanzan Mesut Asmên Keskini ra. No kıtab Zazakiyê do standardo ke be metodo ilmiyo, ey salıx dano (qazt kerên: Zazakiyê Hemıne); be arazekerdena Tırki veciya. Çûnke her mıntıqaya Zazaki de wa kes Zazaki bımuso u mekteban de ki rocê bêro musaene. No kıtab raver Gağandê (Zımıstania Verêne) 2012yine de Almanya/İsviçre de be Almanki seba musnaena Zazakiyê Pılemoriye/Erzıngani bınê projey “Kulturprojekt Zazaki-Lehrbuch”i ame vetene.
4. Domananê ma rê Alfabez Zazaki, zonzanoğ Yaşar Aratemüri ra. No kıtab Zazakiyê zımey de veciya. Kıtabo be resmanê rengınan veciya ke domani/qıci alfabey zıwanê xo be kay u keyfi bımusê.

No proje roca şemiye 8ê Nisane 2017ıne de, İstanbol, Şişli Kent Kültür Merkezi de ame nas daene. A roce nuskar u senatkar u akademisyeni, qeyretkerdoğ u gırwekarê nê projey pêro amey têare, proje u halê zıwan u kulturê Zazayan (Dımıliyan) sero qısey kerd. Senatkar u şairan lawık u kılami vati.