Tıb

Wikipediya ra ensiklopediya xosere
Jump to: şiyayış, Cı geyre

Tıb lızgeyo weşiyêno ke weşiya merdıman sero guriyeno. Key ke weşiya merdımi şıkiyena u merdım beno nêweş o taw tıb kewno miyan, merdımi hewl keno, weşiya merdımi reyna ano heruna cı, merdım tedawi keno. Teberê nêweşiyan de merdımo ke beno dırbetın o taw zi tıb merdım keno hewl. Tıb yew ra vêşi lızgeyan ra yeno pêra, disiplino disiplinanmiyanêno (multidisiplinelo). Tıb sistemê tenê merdımi de çiyê ke raşt nêşıno, inan vêneno u veceno ro awe ser u dıma zi domê hewlkerdışi vıraziyeno.

Vêrde miyan de zemanê verênan ra naw tıb merdıman miyan de ca gırewto. Raver merdıman herbalizm (vılıkan guriyayış) u ganiyan (heywan) guriyayış u inan ra şifa diyayış geyrayê cı. Roc ve roc merdıman tıb resno cı, vêşêri Mısır, Hindıstan, Çin, Yunanıstan u İran de tıb de aver şiyo. İnan ra tepeya zi tıb resayo cayanê binan. Kamci merdımo ke tıb waneno u musayışê tıbi vêneno cı ra doktor vaciyeno. Doktori Suwendê Hipkrati wanenê ke ê weşiya nêweşi hewl kerê.

Zıwananê Ewropaki de tıbi rê Latinki ra medicina vaciyena, zıwananê İrankiyan de zi tıbi rê pêzeşki (پزشکی) vaciyeno.