Tenis

Wikipediya, ensiklopediya xosere ra
Kaykerê tenisi Andy Murray serra 2010ıne de Kanada akerde de kay keno

Tenis (be zıwanê İngılızki: Tennis) sporo olimpiko ke be tope û raketi kay beno. Tenis şeno be dı merduman ya zi be her hete de dı merdumi pêro çehar merduman ra kay bıbo. Tenis de kaykeri be guriyayışê raketi semedê tope file sero ra hetê bini ra, sehaya reqibi (kort) sero eştene kar kenê. Miyandê prensiban de kaykero ke puano en berz gêno, kay destê cı ra vêreno ra, o qezenç keno. Rıçıkê Tenisi zıwanê Anglo-Fransızki ra "tenetz" ra yeno û zıwanê Zazaki de "tepıştene" (tenetz) ya zi "destê xo ra viyarnayene" areze keno.[1] Kayê tenisi cayê de kay beno ke cı rê kort vaciyeno, yani kort cayê kaykerdışê tenisio. Kortê tenisio profesyonel be dergiya 23,77m (78 feet) derga û 10,97 m (36 feet) herayo. Ancênayışê taxımi de 8,23 m (27 feet) herabiyayış bes vêniyeno.[2]

Kaykerdışê tenisi[bıvurne | çımeyi bıvurne]

Servis oyo ke kayker tope destê xo ra gêno û hewa rê erzeno û be raketa xo kort sero dano pıro, uca rê rışeno (rusneno, şaweno). Servisê tenisi wına beno, yeno kerdene. Kaykero ke destê cıyo raşt guriyeno:
1- Raket û tope be yewbinan paralel tepışiyenê û amade benê
2- Pozisyonê eştışê servisi gêriyeno, tope kamci dest dero se uca ra hewayi rê erziyena
3- Tope be raketi yewbinan ra abırriyenê, raketo ke destê raşti de, dest be raketi peyser anciyenê.
4- Tope dı berziya polan ra resena o taw be raketi pırodayış keriyeno û raket payê çepi sero yeno war. Pırodayışê servisi wına beno temam.

Set[bıvurne | çımeyi bıvurne]

Tenis de kamci kaykero ke çehar (4) amari gêno, kayê qezenç keno. Kamci kaykero ke şeş (6) kayi gêno, setê qezenç keno. Kamci kaykero ke hirê (3) setan ra dı seti gêno ya zi panc (5) setan ra hirê (3) seti gêno, o taw o maçê tenisi gêno yani qezenç keno û ğalıbê kayi beno.

Referansi[bıvurne | çımeyi bıvurne]