Teoriya Piageti

Teoriya Piageti yew teoriya kı pil biyayışê merdımi kena a, aya. Piaget pê ena teoriya xo serre be serre letanê cıwiyayışê merdıman nano miyan, merdım tûtiya xo ra tepeya her serra xo dı se keno, mezgê xo senên şıno aver, cıwiyayışê xo pê dormey xo senên rameno, çı museno u senê museno, Piageti pêro ninan kerdê a. Teoriya Piageti dı çehar demi estê kı merdım tey miyan ra verêno. Demo yewın (0–2 serri) dı merdım tûto, biyayışê xo ra refleksê xo estê, enê refleksan gırweneno. Demo dıyın (2-7 serri) zi pê namey "demê verê kari" şınasiyeno, qıc (qeçek) beno pil, çı esto çı çıniyo dormey xo şınaseno, vêneno u museno. Demo hirêyın (7-11 serri) zi key qeçek şıno wendege, o tawo. Qeçek çiyê kı asenê, inan şenê fam kerê. Demo çeharın zi (12-16 serri) tewr demo peyêno, qeçek beno pil, mezgê xo tam gırweneno, çiyê kı nêsanê inan mezgê xo dı şenê vırazo, şenê tez vırazo.