Vlad III

Wikipediya ra ensiklopediya xosere
Jump to: şiyayış, Cı geyre

Vlado III. ya zi Vlad Tepeş (b. 1431 Segeşvar , Qıraliya Macarıstani – m. Kanun 1476 Bukureş , Eflak ) serranê 1448, 1456-1462 miyan de Voyvodayê Eflaki biyo.

Piyê cı verba Osmanıcan de meğlub biyo, coka zi piyê xo o rehin dayo Usmanıcan. Vlad serranê 1442-1448 miyan de destê Usmanıcan de tepışte mendo, demê xo Nif u Tokat de be lacê padişahi ra viyarno. 1448 de Lecê Kosovayê Dıyın ra tepeya be destegê Usmanıcan kar kerdo ke serê Eflaki bo, Eflaki sero ravêro. II. Vladislavi o meğlub kerdo, berdo Boğdan. János Hunyadi ("Hunyadi Yanoş") zi vêrdo ro textê Eflaki ser. 1456 de Belgradi sero seferê Usmanıcan de ordi dayo ey. Vladi zi Eflaki ra sefer vıraşto Vladislav III ardo war, o kışto u voyvodayo newe biyo.

Vladi 1456 ra heta 1462 text sero mendo. No dem de o dışmênê xo ra zaf xofın metodan ra cezayi dayê, darde kerdê u kıştê. Tewr raya cıya namdar "qazıxi sero viyarnayış" biya. Vatenan ra gore Vlad Tepeşi dışmênê xo qazıxi sero viyarnêne, ê kıştêne u goyniyê inan şımıtêne.

Usmanıcan Vlad Tepeş meğlub kerdo u tepışto. O heta merdışê xo Usmanıcan dest de mendo. Serra 1476ıne de zi merdo.