Wikipediya:Prensibê namedayışi

Wikipediya, ensiklopediya xosere ra

Wikipediya de nuşteyan rê prensibê namedayışi, wexto ke tede karber pele vırazeno gereke ke çım ver de pê bıgêriyo. Enê prensibi, ebe averşiyayışê Wikipediya şenê bıvuriyê. Nuştış gereke ke semedê qalkerdoğanê zıwanê Zazaki asên bo. Eke yew name objektif niyo yanê subjektifo, gereke ke bıesteriyo ya zi bıvurniyo.

Prensibê pêroyi[bıvurne | çımeyi bıvurne]

  • Nameyê ke hısusiyê zey namê merduman, namê filman; inan de gereke ke her dı namey zi gırd bınusiyê zey Cemal Süreya. Hama nameyê ke hısusi niyê, inan de namê dıyıne gırd-nuştene gereke ke mebo zey Felsefeyo analitik.
  • Nameyo ke şıma nuseni, gereke ke gurenayış de cayê xo hera bo, yanê arezekerdışê xo asên bo.
  • Sistemê Wikipediya miyan de, unwan-nuştış weş nêaseno. Unwan şeno cıkewtışê nuştey de bınusiyo hama namê pelan de gereke ke menusiyo.
  • Eke dı namey hem (eyni) arezey kenê, zey Sol hem beno element u hem zi beno nota; gereke ke yewê naman ebe parantezi ra bınusiyo. Wına : Sol u Sol (element).