İbni Sina (be Farski û Erebki: أبو علي الحسين بن عبد الله بن سينا; Abū ʿAlī al-Ḥusayn ibn ʿAbd Allāh ibn Al-Hasan ibn Ali ibn Sīnā ya zi پور سینا, Pur Sina) yew doktor, nuştekar, filozof û ilımdaro de Farso.[1] Serra 980ıne de dewa Efşene (Buhara, Uzbekıstan) de maya xo ra biyo û serra 1037ıne de sûka Hamedan (İran) de merdo. Ey heqa tıb û felsefe de 200 ra zêde kıtabi nuştê. Terefê Ewropayıcan ra ebe nameyê Ustado Gırd ra vaciyeno û cihanê rocvetışi de name xo Avicennayo. Kıtabê xo El-Kanun fi el-Tıbb heta seserra 17ıne ra Ewropa de ebe esero temeli ra ame wendene.[2]. İbni Sina heqa mewzuyê bini de 450 ra zafêri nuşteyi nuştê. Tayê nuşteyê xo heqa tıb de, tayê nuşteyê xo heqa felsefe derê. İbn Sina pısa (lacê) katibê seraya Samaniyan Abdullah Bin Sinao. Kıckekiya xo de Natili û İsmail Zahit ra derse diya. Heqa geometriye, mentıq, fıqıh, sarf, nahiv, tıb û tebiatşinasiye de tehsıl diyo.
.png)