Aşkı Memnu jü seriyo de televizyonio ke sera 2008 de sıfte kerdo u Heziran 24, 2010 de peyniyo. Formatê filmi romantik-drama yo. Produktorê filmi Kerem Çatayo, senaristê filmi Ece Yörenç u Melek Gençoğluo. Hilal Saral direktoriya filmi kerdo. Seri romanê Halid Ziya UşaklıgilAşk-ı Memnu ra biyo adapte. Seri de eşqa dı merdeman qısey beno. Leteyo finali de terefê %70 ê unoğan ra uniyayo. Temay seri de Adnan Beg esto u cıniya ho merda. Bihter Yöreoğlu jü genca u Adnan Bey ebe Bihteri ra zeweciyao. Ebe zemani ra mabenê Bihter Yöreoğlu u pısa bray Adnan Beyi Behlüli ra jü eşq yeno meydan. Peyniya filmi de Adnan Bey ena eşq museno u Bihter ebe silah ra ho ganê ho rê peyni dano.
Keyneka Firdevs u Melih Yöreoğlua. Mergê piyê ho ra dıme Adnan Bey ra hes kena u mabenê inan de ferqê serri zaf esto. Ema ebe zemani ra pısa bray Adnan Begi Behlul ra eşıq bena u Adnan Beg ra hes kena. Ena eşqa yesax çımanê ho kor keno.
Eqrabay Adnan Ziyagilio ke dur rayo. May ho kidekiya ho de merda u mergê piyê ho ra dıme Adnan Bey ey qebul kerdo u heyatê zengıni ra biyo dahil. Ema qebulbiyayış ra dıme ebe zemani ra Behlul cıniya Adnan Beyi Bihter ra hes keno u mabenê inan de jü eşq yeno meydan.