Tırki (Tr. Türkçe) lızgey zıwananê Oğuzi ra yew zıwanê do aidê zıwananê Altayo. Tırki resmi zıwanê Tırkiyao u Cumhuriyetê Tırkê Qıbrısê Zımey, Bulğarıstan, Yunanıstan, Makedonya, Moldawya, Suriya u İraq de qısey beno. Zıwanzanaoğan miyan de cı rê Tırkiyê Tırkiya ki vaciyeno. Teqriben 70-80 milyon merdumi Tirki qısey (qal) kenê.
Tırki de zaf mıxtelif feki estê, ninan ra fekê Estamoli ewro Tırkiyo berz teşkil keno. Tırkiya de taê fekê bini ki mıntıqa Deryaê Şiay, Anadoliya rocakewtene u mıntıqa Egey de qısey benê.
Wextê İmparatoriya Usmanıcan de Tırki be alfabey Erebki nuşiyêne. Serra 1928ine de terefê M. Kemal Atatürki ra vurniya u o ra nat be alfabey Latinki nuşiya. Serra 1932ine de ki Cemiyetê Cıgeyrayışê Tırki (Türk Dil Kurumu) niya ro.
Alfabê Tırki de 29 (vist u new) herfi estê.
Herfê gırdi: A B C Ç D E F G Ğ H I İ J K L M N O Ö P R S Ş T U Ü V Y Z
Herfê qıci: a b c ç d e f g ğ h ı i j k l m n o ö p r s ş t u ü v y z
[bıvurne] Telafuzê tayê herfan
Tabela cêrêne de herfê ke tede çıniyê, nê zey ê Zazaki telafuz benê (yenê wendış).
| Herfe |
Nişanê IPAy |
Salıxdayış |
| c |
[dʒ] |
Afrikati: d + j'o vengdar |
| ç |
[tʃ] |
Afrikati: t + ş'o bêvengdar |
| ğ |
[:], [y] |
Herfanê vengınan ra dıme zey y'y yeno wendış, yewbina zi herfan keno derg |
| ö |
[œ] |
ö'yo kılm u tari (No veng Zazakiyê bıngey de çıniyo, labelê tayê fekanê Zazaki yeno diyayış.) |
Serê dınya de cayê
Tırki-qeseykerdoğan
[bıvurne] Tırki de halê naman
Tırki de ebe izafey namey (halê genitifi) ra pia şeş halê naman estê:
| Tırki de halê naman |
| kapı |
keyber |
ev |
keye |
|
| kapıyı |
keyberi |
evi |
keyey |
|
| kapının |
ê keyberi |
evin |
ê keyey |
|
| kapıya |
keyberi rê |
eve |
keyey rê |
|
| kapıda |
keyber(i) de |
evde |
keye(y) de |
|
| kapıdan |
keyber(i) ra |
evden |
keye(y) ra |
|
