Carla Bruni
| Carla Bruni | |
|---|---|
 | |
| Melumato şexsi | |
| Dewlete | İtalya |
| Cınsiyet | Cêniye |
| Cayê biyayışi | Turin |
| Biyayış | |
| Wendış | Lycée Janson de Sailly, University of Paris 1 Pantheon-Sorbonne û École Jeannine Manuel |
| Gure | Muzisyen |
| Zıwani | Fransızki, İngılızki û İtalyanki |
| Hempar | Raphaël Enthoven û Nicolas Sarkozy |
| Enstrumanê cınıtene | Gitar, Vokal û Piyano |
| Domani | Giulia Sarkozy û Aurélien Enthoven |
| Maye | Marisa Borini |
| Pi | Maurizio Remmert û Alberto Bruni Tedeschi |
| İtıqad | Katolisizm |
| Keyepele | carlabruni.com |
Carla Bruni-Sarkozy (b. 23 Kanun 1967 Torino, İtalya u namê biyayışi: Carla Bruni Tedeschi) fotomodel u muzisyena Fransız u İtalyana. Bruni cêniya reiscumhurê Fransao kıhan Nicolas Sarkozya u zey cêniya ey nam varadaya.
Cıyiyayış
[bıvurne | çımeyi bıvurne]Carla İtalya de suka Torino de maya xo ra biya, keyê ke panc (5) serri biya, pê ma u piyê xo şiya Fransa u uca de resaya, biya pil. Dıma İswiçre de kewto lisa u uca de musaya, tehsil gırewta. Piyê xo şırketê Pirelli de wayirê hiseyo u ana şınasiyeno, maya xo Marysa Borini zi keyneka Alberto Bruni Tedeschia u piyanista klasika ke namdara. Namê waya cı zi Valeria Bruni Tedeschia.
Bruni serranê 1990i de supermodela gırde biya, pere zaf qezenç kerdo, luks miyan de cıwiya. Kariyerê cıyê modelbiyayışi ra tepeya, aye kewta bazarê muziki us serra 2002yıne de zıwanê Fransızki ra kılame vata, Quelqu’un m’a dit (mı rê vato) albumê xo veto. No album kewto lista Fransa u İsviçre, uca de zaf roşiyao. Vengê cı zi uca de xeylê nerm u weş vêniyao.
Supermodeliya cı(1987–1998)
[bıvurne | çımeyi bıvurne]Wexto ke tede Carla Bruni biya des u new serri, tehsilê mimari u huneri rê peyniye daya, kewto sektorê manken u modelan. Serranê verêni de serpela qazeteyan de veciya, markayanê zey L’Oréal u Christian Dior temsil kerdê. Serranê 1995 u 1997ıne de semedê dizaynkerdoğanê namdari zey Valentino, Yves Saint Laurent u John Galliano guriya, kar kerda. Bruni be 7,5 milyon dolar qezencê cıyo serrane, supermodela yewıne biya ke. O taw, tayê filman de Paparazzi (1998) u Prêt-à-Porter (1999) kay kerdo, rol gırewto. Bruni serra 1998ıne de sektorê moday ra veciya, abıriya.
Sektorê muziki de (Serra 2000ıne ra tepeya)
[bıvurne | çımeyi bıvurne]Bruni serra 2002yıne de albumê Quelqu’un m’a diti veto. No album de a be xo hem beste vıraşo, hem vate nuşto, hem kılamanê xo vatê u hem zi gitarê xo cınıto.
Serra 2005ıne de semedê albumê Louis Bertignaci "Longtemps"i metnê qısan nuşto.
Bruni serra 2006ıne de albumê Aldo Romanoyo newe Chante de duet kerdo. Yew zi albmuê jazz trompetkero Alman Till Brönner Oceana de ca gırewto.
Bruni albumê cıyo dıyın No Promises tarixê 12 Çıle 2007i de piyasa rê ramıto. No album de zıwanê İngılızki ra kılame vata, şıir nuşto. [1], [2], [3]