Gağand

Wikipediya, ensiklopediya xosere ra
Dara Gağandi

Gağand: Her serre 25ê aşma Gağande de biyayişê İsay yeno mıbarek kerdene. No yew eydê/roşanê Xristiyanano. Eyd/Roşan 24ê Gağande de be Şewa Mıbareke dest pêkeno u hetan şanê 26ê Gağande domneno.

Kılisanê ortodoksan de, zey ê Yunanan, Ermeniyan u Rusan, gorey teqwimê Julyeni 7ê Çeley de Gağand beno.

Mena qısey[bıvurne | çımeyi bıvurne]

Qısey Gağandi Ermenki կաղանդ-ք Ermenkiyê rocakewtene 'Kałandk’', Ermenkiyê rocawani 'Gałand(k’)' (ł = ğ) ra kewto zıwanê ma; mena xo "serra newiya". Labelê kokê qısey Ermenki niyo, Latinkiyo. Kalender (teqwim) ra yeno. Kalenderi rê Kaland, yanê sıftey serre, serra newiye ki vato u kewto Ermenki. Ermenkiyo Khan de taê qısan de "l" biyo "ğ".

Khalê Gağandi[bıvurne | çımeyi bıvurne]

Ermenkiyê Rocawani de Khalê Gağandi rê vanê Gağand p'ap'i. Gurciyan de ki gito henên esto, ê ki khali rê vanê berobana. No git heni aseno ke Anatoliye de mıletan têdinan de biyo, taine riyê itıqadi ra kerdo vindi, serranê peyênan de ki politika dewlete be tenga debare ra ki na xo vira kerdene vıste kar.

Varyantê çekuya "Gağand"i be fekanê Zazakiyê binan[bıvurne | çımeyi bıvurne]

  • Gağan
  • Gaxan

Bınnoti[bıvurne | çımeyi bıvurne]

  • çê: keye
  • debare: ekonomiye
  • gênc: cênc, xort
  • git: beyram, roşan, merasım