Ğazel

Wikipediya, ensiklopediya xosere ra
Xıl de be pusula Xıl de cıgeyrayışi

Ğazel (غزل) namê şıiro ke liriko u heqa eşq, heskerdış, tebiet, şerab u binan dero. Ebe menaya kılmi, ğazel şıiro de liriko. Literaturê Dewrê Miyani de turê ğazeli ra zaf şiıri nusiyao. No literatur rê Literaturê Ğazeli vaciyeno. Ğazel, literaturê Ereban ra İranıci rê u inan ra ameo Anatoliya. Ğazel beyidan ra yeno meydan. Menaya namê beydi, Zazaki de yo. Yew ğazel de pêro de ,des - des u ponc beyti esto. Ema tayê ğazelan, des u ponc beyitan ra zafêr beyitan ra vırazeno. Nê ğazeli rê Ğazelo Mıtavvel (Ğazelo Derg) vaciyeno. Nuştışê beyitan ebe nizamê; aa ba ca da.... ra nusiyeno. Beyitê Ğazelio tewr verên Metlaa (biyayış) yo. Beyito ke metlaa ra dıme yeno husn-i metlaa vaciyeno. Beyitê Ğazelio tewr peyên Meqtaa (qedbiyayış)yo. Beyito ke meqtaa ra dıme yeno, husn-i meqtaa vaciyeno. Namê beyitê Ğezelio tewr weşi rê Beyt el Ğazel ya zi Beyitê Şah vaciyeno. Mexlayê nuştışê şıiri, qısımo meqtaa dero. Zerrêkê Ğazelan yew mewzu ra nêvırazeno, miyandê beyitan, gıreyê menay çıniyo. Ğazelo ke tede tena heqa yew mewzu de melumat esto Ğazelo yek - aheng vaciyeno. Ğazelo ke heme beyitanê cı de menaya nuştışi de gıreye esto, Ğazelo yek - veng vaciyeno. Ğazelo ke ebe qefiyayê zerrêki ra nusiyena, Ğazelê Musammat beno. Tarixo Anatoliya de Fuzuli, Baki, Nedim, Naili, Şêx Ğalib, Şêxulislam Yehya, Yehyayo Taşlicayıc, tayê nuştekarê ğazeli rao. Yew nımune ğazel ra;

  • Nam u nişane kalmadı fasl-ı bahardan -> Name u nişan nêmendo mevsımê wesar ra
  • Bad-ı hazan çemen de el aldı çenardan-> Va payızi vaş (çımen) de dest grewto çinar ra