Ravêr zerreki

Ahu İrani

Wikipediya, ensiklopediya xosere ra
Ahu İrani
Melumato şexsi
Dewlete İran
Cınsiyet Cêniye
Cayê biyayışi Tehran
Biyayış
Gure Muzisyen

Ahû İraniye (be Farski: آهو ایرانی Āhū Īrānī), jû senatkara İranıca deyrvaca u thembur, tar, dotar, ud, setar cenena. 1981ıne de Tehran de ameya dınya.

Zıwananê İrankiyan ra Farski ra ğeyri be Kurdki, Tırki u tepeya Zazaki ki deyran u kılaman vana. Be vatena xo tewr zêde qeydanê Mikail Aslani ra hez kerdo u sinayışê muzik u zıwanê Zazaki rê o biyo yew pırd u be na qeyde ki zerria xo kewta muzikê Zazaki. Nezdiyê 2 serri ra aver dest kerdo Tırki, musawa, keşfê xoyê qeydanê Zazaki ra dıme ki ver kerdo musayışê Zazaki ki.

Heyatê senatkariye[bıvurne | çımeyi bıvurne]

Ahû İraniye konservatuar ra biya mezune. A ke taê festivalan de veciyawa, çehar rey caizay yewıne gırewta. Domanekina (qıcina) xo de dest kerdo aletanê muzikiê be dest cenıtışi. 1998ıne de İran de orkestray Şems temburi, Orkestra Mıliye, Orkestranê Senfoniki de ca gırewto, cenıto u hewna ki be profesyonalite thembur cenena. Xeylê dıwelan de konser dao, zey İran, İraq, Hindıstan, Kurdıstano Azad, Azerbaycan (Adırbeycan), Tırkiya, Çin, Tayland, İsviçre.

Çıqas ke warey xoyê muziki de rınd vista a ser, muwefeq biya ki, vatena ae ra gore İran de zey xeylê hetan ra, bara muziki de ki verêniya cenıkan hetê dewleta İslamiye ra bırriyena, qanunanê şeriati ver cenıki heyatê teberi de u senate de zêde nêşenê xoser bılewiyê.

Gıre[bıvurne | çımeyi bıvurne]