Amiş

Wikipediya ra ensiklopediya xosere
Jump to navigation Jump to search
Dewa Amişan de keyeyê Amişi be fayton u estorê xo ra

Amiş (be Almankiyê Pensilvanya: Amisch, be İngılızki: Amish) mezhebê Xıristiyanano, Kanada u eyaletanê miyanê Amerika de herao. Goçkerdoğê ke miyandê seserranê 18 - 20ıne de Almanya, Fransa u İsviçre ra ameyê Amerika, inan vıraşto. Amişan ra gore heyat lazımo ke basit u asan bo. Coka ê otomobil, têlefon u elektrik nêgurenenê; heyatê moderni ra dûr manenê. Enê merdumi sebebê dini ra, xo heyatê sosyali ra dûr tepışenê, ordi zi nêkewnê.

Qıcê Amişan, sınıfa 8ıne de mekteb ra abıriyenê u dest pêkenê ke keyeyê xo de tehsil bıvênê. Semedê bawerkerdışê Amişan ra, ê nêşenê mezhebo bin ra bızeweciyê u yew zi fotoğrafê xo antene zi weş nêvêniyeno. Amişan miyan de terimê rumspringa esto. Ê gênciya inan de niyo, çı wext ke ê benê pil, waftiz benê. Sistemê inan de aforoz zi esto. Kıhalıkê Amişan merdumê ke qayde u prensibê Amişan şıkenê, yanê çıne-amarenê, ê din ra veciyenê. Kamo ke prensibê Amişan caweno, dewe ra yeno teberkerdış. Coke ra qayde u prensibê Amişan zaf gıranê.