Aram Tigran

Aram Tigran
Melumato şexsi
Dewlete	Suriya
Cınsiyet	Camêrd
Cayê biyayışi	Qamışli
Biyayış	15 Çele 1934
Merdış	8 Tebaxe 2009
Cayê merdışi	Atêna(Qanser ra merd)
Gure	Muzisyen
Zıwani	Erebki, Kurdki û Ermenki
Enstrumanê cınıtışi	Vokal

Aram Tigran

Aram Tigran ya ki Digran, (1934 Al-Qamishli, Suriya - 6.8.2009), bestekar u senatkarê do Ermeniyo (maya xo Qulp rawa, Zazawa ) bi ke leteo zêde Kırdaski, ge ge Ermeniki ki lawık u deyri vatêne, taê lawıki Zazaki ki vati biy. Keyey piyê ey Terteley Ermeniyan de xelesiyao. Tigrani new serranê xo ra tepeya balê xo dao ra muzik, dest kerdo ud. Eke ameo 20 serre, kılamê Kurdki, Ermeniki, Zazaki u Erebki vatê. Senatkaranê Kurdan miyan de tewr rından ra yeno diyaene.

Cıwiyayışê ey

Qetliamê 1915ine ra dıme khalıkanê ey bar kerdo sûka Qamışli (Suriya). Aram Tigran tıya de serra 1934ine de ameo dınya. Hewna dumanan de muzik ra hez kerdo. Piyê xo ra dersa qawal u ud gırewta. Ey ra dıma zıwanê Tırki, Zazaki, Erebki, Ermeniki u Kurdki de muzik vıraşto. Serra 1966ine de şiyo paytextê Ermenıstani, Yerêvan. Tıya de 18 serri radyoê Vengê Yerêvani de gureyao. Serrê xoyê peyêni zafêr Atêna de bi. Tıya de bi rehmeti.

Weşiya xo de 11 teni albumi veti. Aram zaf rew biyo namdar. Xerca Tırki ra, 230 Kırdaski, 150 Erebki, 10 Suryanki, 8 Yunanki, 7 Zazaki ra kılami wendi. Seba roşanê Newrozi ameo Diyarbekır. Tıya de ki nêweş bi, xestexane de anjiyo bi. Ey Dılberê be Feqiya Teyran kılamê eyê tewr meşhurê.

Tigran roca 6.8.2009 Atêna de riyê decê qelbi ra kewt xestexane, uca de qayto sıxlet ra 2 roci tepeya merd.Vastena xu na biye; Cenazay cı Diyarbekır de bidere we.Ama devlete Tırkiye neverdo ki cenaze biare Diyarbekir. Nü rüra, mordemane xu, cenazay cı Bruksel de darde we.

Albumê ey

1. Çîyayê Gebarê, Aydın Müzik, 2004.
2. Zîlan, Aydın Müzik, 2004.
3. Serxwebûn Xweş E, Aydın Müzik, 2004.
4. Kurdistan, Aydın Müzik, 2004