Bombardımanê Tokyo

Wikipediya ra ensiklopediya xosere
Jump to navigation Jump to search
Tokyo bınê adırê Amerika de veşeno; Gulane 26, 1945

Bombardımanê Tokyo (Japonki de: 東京大空襲) bombardımano de gırdo ke DAY be teyarê xo serra 1945ıne de vıraşto. DAY be hirêse u çewres u çehar teyarê xo kewto eno bombardıman. DAY serra 1944ıne de dest pê kerdo ke suka Tokyoy ser bombar bıerzo u yew serre de se u şeş reyi Tokyo sero bomba eşta, bombardıman kerdo. Tarixê 9ê Adare 1945 de Tokyo de veng eşnawiyao u terefê sistemê seveknayışi ra vaciyao ke dı tene teyarê Amerikani Tokyo ser de geyrenê cı. Saete 24.00 de Amerika Tokyo sero bombaya verêniye eşta. Amerika raveri dormey suka Tokyoy veşno u xırabe kerdo. Fel u emelê Amerika heni biyo ke şarê Tokyo merkezê suke arê bo u adır miyan de bımano.

O taw radarê Japonya riyê mıxalefetê heway ra teyarê Amerikani rêw nêdiyê. Amerika be teyarê fosfori, napalmê elektroni u teyarê bini suka Tokyo pêro piya xırabe kerdo, Tokyo sero 1.700 kilogram adır eşto, şarê Tokyo veşno u uca de 100.000 merdumi merdê, 278.000 ban u binay veşayê. Heto bin ra zi, sistemê pawıtışê Japonya, des u dı teyarê Amerikan ardê cêri, çewres u dı teyarê Amerikani zi kerdê xırabe.