Cemal Atila
| Cemal Atila | |
|---|---|
| Melumato şexsi | |
| Cayê biyayışi | Varto |
| Biyayış | |
Cemal Atila malımê dansi, malımê Zazaki û nuştekarê do Zazao û wahêrê vetışxaney Geoaktif Yayınlarıyo. Cemal 1968ıne de dewa Vartoy Qera Cêri de ame dınya. Be xo Zazayo, eşireta Lolan rao.
Taê zeman ke gemiye de xebetiya, aktiviteo siyasi ra ki Atilay Estamol de sıfte pêseroka Ateş Hırsızı de ge ge Zazaki û Kırdaski nuştêne, leqema xo Haşo Dızd bi. Kaos Yayınları de ki xebetiya. Serranê 1996-97ıne miyan de ki şeş mengi (aşmi) Çevre Radyowo ke Estamol de Alibeyköyü ra phêl dêne, be nameyê Vengê Ma ra programê Zazaki vıraştêne, heta ke program hetê dewlete ra men bi. Serra 2008ıne de ey semtê Estamoli Beyoğlu de Geoaktif Kültür Merkezi na ro, oyo ke tede mıxtelıf mıntıqan ra, zey Yunanıstan û Latinamerika ra kursanê dansi danê, yew ki kursê zıwananê Zazaki, Farski, Ermenki, Usmanıcki, Lazki ki diyenê. Ney ra pia Geoaktif Yayınları ki na ro, heta nıka 3 kıtabi veti.
Paizê 2013yıne de Cemali pela internetia Zazaki www.zazakikozmos.com Archived 2014-03-03 at the Wayback Machine nê ro.
Gıreyê teberi
[bıvurne | çımeyi bıvurne]- Zazakikozmos.com Archived 2014-03-03 at the Wayback Machine
- Geoaktif Kültür Merkezi
- Xo nasdaena Cemal Atilay û ZazakiKozmose Archived 2020-03-28 at the Wayback Machine