Cengê Çaldırani

Wikipediya, ensiklopediya xosere ra
İsmail I

Cengê Çaldırani yew cengo ke serranê 1514ıne de ameo meydan. İmperatoriya Usmanıcan ğaliıb ameya, reqibê xo Safewiy ardê çokan. Nê cengi ra dıme Usmanıcan zafina erdê İrani gırewta bınê hukmê xo. Nıfusa eskerê Usmanıcan vanê mabeynê 100.000 u 200.000i de biya. Ê Safewiyan ki hema hema 40.000 biya.

Hete ekipmani ra eskerê Usmanıcan taêna quwetın biyo. Şa İsmail nê cengi de darbıcê (dırbetın) beno, giyanê (can) xo zor reyneno ra.

Zazayan miyan de ki no vênayış u vatene esta ke, nê cengi ra tepeya Zazayan dest kerdo cı, Elewitine ra pıra pıra geyraê a, biyê Mısılman (Sunni).

Cengi ra aver[bıvurne | çımeyi bıvurne]

Selim I ceng ra aver bıraê xo meğlub kerdo, kışto, text be zor piyê xo ra gırewto. Ey ra dıme xo çarnao Şia u Elewiyan ser. Selim vısiyao pêro ke nê peşti danê Safewiyan. Na ri ra Şia u Elewiyan ra zaf qehriyao. Elewiyan rê fetwa veta, vato, qetlê inan wacıbo. No mabeyn de ki Şa İsmaili ki rocakewtena (şerqê) İrani (Uzbek) ki meğlub kerdo. Ney ra ki Selim tersao.