Dêra İsaya Raşte

Wikipediya ra ensiklopediya xosere
Jump to: şiyayış, Cı geyre


Xaç, sembolê İsewitiye

Dêra İsaya Raşte (be Çinki [Zhēn] [] [] [Jiào] [Huì], be İngılızki True Jesus Church), dêra dê xosera ke serra 1917ıne de paytextê Çini Pekin (Beijing) de niya ro. Ewro nezdiyê 45 dıwelan ra 1,5 milyon ezayê xo estê. Dêre, verêniya seserra 20ıne de itıqadê İsewitiye, lızgeyê Protestanan ra bırriya a. Ena dêre eydanê /roşananê zey Noeli u Pasxalya firazm (mıbarek) nêkena.

Des Doktrinê Dêra İsaya Raşte[bıvurne | çımeyi bıvurne]

1. Roho firaz : Be qısey-kerdışê zıwani ra reştışê royi, mêrasê qıraliya ceneti garanti kena.

2. Vaftiz : Vaftizê awe ayinê ef-kerdışê guneyan u newe-biyayışana. Vaftiz miyandê awa yabani de yeno kerdene. Mesela ro (çay, çhem), derya (dengız) ya zi hêni. Xora verênde ra vaftizkerdeyo vaftizkar, karê vaftizi be namey İsay ra ano hurêndi. Keso ke vaftiz beno, serê xo xo ver de gêno be ena usıl leşa xora piya kewno awe.

3. Şutışê lıngan : Ayinê şutışê lıngan, ey kesi be pêreştışê İsay temin keno u eyni zeman de goyıl-nızmêni, bımbarekêni, hes-kerdene, ef-kerdene u xızmete-kerdeışê merdumi ano ra viri. Her kamo ke vaftiz biyo gani be namey İsay ra xo bışuyo. Lıngi-şutışê yewbini şena demo vicnaye de bıbo.

4. Cemato bımbarek : Ayinê do ke semedê merdena İsay ra xo-vir-ardene beno. Xeyrê na kombiyayışi, merdum can u roê İsay ra beno yew u şeno ebedi heyat reşo. İta nano bêmiraz u awa hengure hurêndia goşti u gonia İsay cênê /gênê. Seba ke o merdumanê gunekaran ver ameyo çarmıx kerdene.

5. Roca Şabati : Roca heftiya hewtine yanê şemiye yena qebul kerdene ke na roce, roca bımbareka u terefê Heqi na kerda bımbarek. Na roce de ganê merdum afernayışê Heqi u ameyışê huzırê ebedi biyaro ra xo viri.

6. İsa : Mesih, lacê Homayiyo ke be can u ro ame merduman miyan u dinan rê qıseyê ey ardi. Seba ke o merdumanê gunekaran ver ame çarmıx kerdene, roca hirêyıne ame ra xo u şi cenet. O yegane xelesnayoğê merdumano, afernayoğê ceneti u cihaniyo u tek Homayo raşto.

7. İncil : İncilo ke terefê Heqi ra aferniyo be qısmê xoyo kıhan u newe ra, yegane raştiya bımbareka /firaza u cuyê Xristiyanan rê standardo.

8. Xelesiyayış : Xelesiyayış, yew rındênia Heqi baweriye rê da. Bawerkerdoği seba domnayışê bımbarekbiyaene, dekernaena Heqi u heskerdene merduman, ganê “roh el qudus” rê bawer bıkerê.

9. Ameyışo Mesihiyo dıyın : Ameyışo Mesihiyo dıyın beno ke “roca peyêne”. O cenet ra semedê (seba, qandê) mıhakeme-kerdışê dınya rê yeno. Êyê ke zerreyê xo pako, cuyê ebedi gênê u êyê ke zerreyê xo xırabıno zi lanet benê.

10. Dêre : Dêra İsaya Raşte, wextê vartışê dıyini de, eke “roh el qudus” (roho bımbarek) bi, terefê İsa Mesihi ra vıraziye. Dêra İsaya Raşte, dêra raşte demê ‘Papa’y ra ameya tamir kerdene.