Dewrês Gulabi

Dewrês Gulabi - Fotrafê do kehan

Dewrês Gulabi ya ki Dewrês Gulavi (Zazakiyê Hemıne: Derwêş Gulabi), qesay Dêsımi Pılemoriye de, Derê Sanse de ziyara dewa Mazra Sılêmanana. Şıkılê ziyare veri zey ziyaranê kehanan bi, emma peydêna turba vıraşte. Dormey ziyare de dı veşni (vosni, vasni) estê, labelê serey inan şıkiyaeyo.

Dewrês Gulabi de dı veşnê (vosnê) kemerêni

Dewrês Gulabi de xalıke çıla fina a cı

Efsaney Dewrês Gulabi

Dewrês Gulabi (Gulavi) Khurêşıc biyo, pirê Balabanu biyo. Sureo ke Dewrês Gulabi hewna ke nêşiyo heqiya xo, talıbanê ey hirê dewan de mezele da ra: Gomê Suru, Mazra Sılêmanu u Usdam de. Talıban (talıbu) vato, "ma pirê xo dewa xo de dame we", nae sero nêamê werê. Dewrês Gulabi vato, "ez ke mıron, heliyê yeno mı sero, fırr dano; o ke nişeno kamci gılê koy ra, uca mı mezele kerê". Tawo ke mıreno, heliyê yeno, fırr dano dewa Mazra Sılêmanu. Hewsê dewe de, mazra Heleli de ey danê we.