Pılemoriye

Pılemoriye
Melumat
Tewr	Qezey Tırkiya û Qeze
Dewlete	Tırkiya
Wılayet	Mamekiye
Nıfus	3 760 , 3 106 , 3 258 û 3 528
Berziye	1 650 m
Seate	UTC+03.00
Geokod	302469
Xerita
Wikidata sera bıvurne

Pılemoriye, fekanê binan de Pulemuriye (be Usmanıcki: قوزيجان / Kuzucan, be Tırki: Pülümür, Ermenki: Plurmorri Բլուրմոռի) qezay Dêsımia, sûka Mamekiye ra 67 km dûria. Hetê rocvetışi (şerqi) de Çolig(Bingol), zımey (şımali) de Erzıngan, veroci (cenubi) de qezay Nazmiya û rocawani (ğerbi) de qezay Pulur/Vacuğe estê.

Namey Pılemoriye wıni (heni) aseno ke Ermenki (ê rocawani) ra yeno: plur բլուր "tum, tepe" (Namey qezay Puluri zi na çekuye ra yeno) û morri մոռի "dırrıka siae", yanê "tumê dırrıka siyaye". Tayinan çım de Pılemoriye Zazaki Pulê Muriye ra yeno; her çıqas ke mumkıno wıni (heni) zi bo, labelê bes delil çıniyo, feqet be qenat kokê kelımanê "plur" û "morri" Ermenkiyo.

Şarê Pılemoriye hema hema pêro Elewiyê û Zazaki qısey kenê, 2-3 dewan de Tırki zi qısey beno.

Reqımê Pılemoriye 1650 metreyo. Pılemuriye de zaf koyê berzi estê. Ninan ra...

• Bağıre (Tırki: Bağır Paşa Dağı, 3287 m)
• Koyê Mercani (Tırki: Mercan Dağları 3000 m.)
• Koyê Muzıri (Tırki: Munzur Dağı)

Pılemoriye de zaf çhem û çımey hêniyan estê. Nê çheman ra...

• Çhemê Pılemuriye (Tırki: Pülümür Çayı)
• Çhemê Qeregoli (Tırki: Karagöl Çayı)
• Çhemê Perginiye (Tırki: Kırklar Çayı)
• Awa Çekemi (Tırki: Çekem Suyu)
• Awa Aşkirege (Tırki: Kocatepe Suyu)

Namey çımey hêniyan ki nêyê:

1. Tekepınarı (dewa Gobırge de)
2. Beyaz Su (dewa Qeregol'i de)
3. Hêniyo Pil (dewa Şêneke de)
4. Sıtmapınar (mala Gomu de)
5. Bent Çeşmesi ( dewa Mazra Sılêmanu de)
6. Bağır Çeşmesi (dewa Pêrginiye de)
7. Çewres çıme (nahiya Seteriye, Wareyanê Bêbıni (Bêvın) de)
8. Karagöz Çeşmesi (dewa Gurk'i de)

Qezay Pılemoriye de merkez ra piya panc nahiyey estê. Namey nê nahiyan nayo:

• Merkezê Pılemuriye
• Pırdo Sur
• Deşte
• Usdam
• Seteriye

Tabii ke nê nahiyan de ki zaf dewi û mezrey estê. Namey nê dewan û mezran zi nayo:

Dewê Pılemoriye

Merkez Ferxedin Gersunut Gomu Goneliye Gozenage Haculiye Khınıku Mazra Mêrıku Mazra Rutu Meydanu Nuxutliye Pişiye Qeymazu Rebet Xivêre Zımage

Pırdo Sur Açirer Aşkirege Berav Çirıg Dağbeg Thanjige Denzeg Gurk Harşiye Kuxtaru Koê Seri Markazu Mazra Meçiye Murdafan Pancıras Pardiye Pırriye Saldax Tasniye Veramini Xıncoriye Zımaga Avasu

Deşte Altınuşênu Hesenqaziye Pêrginiye Qayire Qeredewranê Bozağay Qeregol Qızılmescid Şêniya Ağu

Usdam Alxanu Bardağçiye Almeliye Fême Karsku Küliye / Çüliye Qeredewranê Sampasay Qırdım Sampasa

Seteriye Bıraştige Çors Derekoyiye Gobırge Mazra Sılêmanu Muquf Mıti Pintıge Qelecuğe Qeremanu Quzucan Şêneke Yarbaşiye

Nıfus

Serre	Nıfus	Serre	Nıfus
{{{serre1}}}	{{{amarine1}}}	{{{serre6}}}	{{{amarine6}}}
{{{serre2}}}	{{{amarine2}}}	{{{serre7}}}	{{{amarine7}}}
{{{serre3}}}	{{{amarine3}}}	{{{serre8}}}	{{{amarine8}}}
{{{serre4}}}	{{{amarine4}}}	{{{serre9}}}	{{{amarine9}}}
{{{serre5}}}	{{{amarine5}}}	{{{serre10}}}	{{{amarine10}}}

Gıreyê teberi

• Qezê Pılemoriye
• Dewê ma Archived 2007-01-09 at the Wayback Machine

Çıme

Arşivê Embarê Wikimedya de heqa Pılemoriye de vêşêri multimedya esta.