Ebu Bekır Beğdadi

Wikipediya ra ensiklopediya xosere
Jump to navigation Jump to search
Ebu Bekır Beğdadi
Mugshot of Abu Bakr al-Baghdadi.jpg
Ebu Bekır el Beğdadi
Biyayış 1971
Merdış 2015
Ca Samarra, Iraq

İbrahim Ewad İbrahim Eli El Bedri El Semerayi ya ki Ebu Bekır el Beğdadi (be Erebki: إبراهيم ابن عواد ابن إبراهيم ابن علي ابن محمد البدري السامرائي‎) lider u vıraştoğo DIŞİyo. Heqa cı de çi zaf çıniyo ema bawer beno ki o serra 1971 de Iraq de yew cayo ke suka Samarray ra nezdiyo, uca de marda cı ra biyo. Wexto ke Amerika Iraq işğal kerdo, Ebubekır Beğdadi yew cami de biyo imam u terefê Amerikanan ra tepşiyao u heps rê erziyao. Wextê cıyê tepşiyayışi de serê ho İslamo Radikal rê şiyo u eno ideolociye ho rê groto. Eno ra peyni cayê ho quwetın biyo u Konseyê Mucahidanê Iraqiê Şura de wayirê qalkerdışi biyo. Serra 2010ıne de liderê DIŞİ Omer el Beğdadi merdo u Ebubekır Beğdadi cayê ho rê verayo. Wexto ke o liderê DIŞİ, zıme de Suriya ra hata suka Beğdadi, yew cayo gırd destê DIŞİ rê verayo. Ebubekır el Beğdadi, tarixê 29 Haziran 2014 de vato ki o xilafet newe ra vıraşto u heme mısılmanan ra ho rê biat kerdene waşto. İlankerdışê cıyê xilafeti ra dıme name ho vurno u name cı kerdo Xelifa İbrahim.[1] O hem zeman de name DIŞİ ki vurno u kerdo Dewleta İslami.[2] İlankerdışê cıyê xilafet ra peyni tayê grubê İslami cı rê biat kerdo, tayê grubê İslami ey kritik kerdo u xilafetê ey qebul nêkerdo. Tarixê 5 Temmuz 2014 de suka Musıli de yew videoy cı internet de pêl biyo u eno video de Ebubekır el Beğdadi yew cami de vaaz dayo.[3]

Referansi[bıvırne | çımey bıvırne]

  1. http://www.independent.co.uk/news/world/middle-east/isis-declares-new-islamic-state-in-middle-east-with-abu-bakr-albaghdadi-as-emir-removing-iraq-and-syria-from-its-name-9571374.html
  2. http://edition.cnn.com/2014/06/12/world/meast/who-is-the-isis/index.html?hpt=imi_t4
  3. http://www.youtube.com/watch?v=AWKRFWhlEuU