Edebiyatê Zazayan

Edebiyatê Zazayan de vinayışê eserê tewr khani serra 1798ıne de biyo. Eno kıtabê Zazakiyo sıfteyên terefê İsa Beg bin Alīyi ra serra 1798ıne de nusiyo. Kıtabê ey Zanışiya Elewiyan sero biyo, 32 pelan ra ameyo meydan û eno eser nuştışê deştiyo.

Nuştekar Ehmedê Xasiyi serra 1892yıne de Mewlıdê Zazaki nuşto. Eno kıtab serra 1899ıne de biyo vıla.

Serra 1903yıne de Usman Efendiyo Babıci Bıyayişê Pêxemberi ya zi Mewlıdê Nebi nuşto.

Mehmet Demirtaşi serra 1975ıne de, eserê xoyo sıfteyêno ke nuşto, tede Zazaki şıir û qasideyi biyê. Eno eserê xo serra 2011ıne de terefê Universıtey Bingoli ra çap biyo be kıtab.

Serra 1980ıne ra dıme Ewropa de zaf pêseroki û dokumanê Zazaki veciyayi. Pêserokê zey Piya, Ayre, Ware, Çıme, Zaza Press, Pir, Raştiye, Raya Zazaistani, Vengê Zazaistani, Gımgım, Zazaki, Zerq, Desmala Sure û Waxt veciyayi. Tırkiya de wextê peyêni de peserokê Ma, Vir û Zazana veciyayi.