Facebook

Wikipediya ra ensiklopediya xosere
Jump to: şiyayış, Cı geyre
Facebook.svg

Facebook (bıwane: feysbuk) yew siteyê internetiyo ke insani tede eşkenê embazanê xo de irtıbat kewê û yewbini ra xeberdar bê.

Facebook, 4ê Gucige 2004 de hetê Mark Zuckerbergi ra seba wendekaranê Universıteyê Harvardi ame ronayış. Bahdo mektebê dormeyê Bostoni ki kewti Facebook, mabeynê dı aşman de mektebê ke "Ligê Ivy" derê kewti şebekeyê Facebooki. Abiyayışê Facebooki ra yew serre ra dıme heme mektebê ke Amerika derê kewti Facebook. Ezayi raver tenya be adresanê e-mailanê mektebanê xo (.edu uçb.) eşkayêne bıbê eza. Bahdo tayê liseyi û şırketê gırdi ki kewti miyanê şebekeyê Facebooki.

Roca 11ê Payiza Verêne 2006 de Facebook heme adresanê e-mailan rê be tayê şertanê cıkewtışi (domanan rê tomete) bi a. Karberi eşkenê ke şebekeyanê zey liseyan, universiteyan, cayanê kari, şırketan kewê.

Facebook, aşma Payiza Wertêne 2007 ra heta nıka be nezdiyê 500 milyon ezayanê xo, goreyê istatistikanê Alexa, websiteyo 2yıno ke dınya de tewr zêde yeno cıkewtış. Gama ke Facebook bibı a, Kanada, Afrikaya Veroci û Norwec de 1ın; Britanya û İswec de 2yın; Mısır û Panama de 3yın, Dewletê Amerikayê Yewbiyayey, Awıstralya û Tırkiya de websiteyo 5ın bi ke tewr zêde ameyêne cıkewtış.

Facebook, nameyê xo "paper facebooks" ra gêno. No form universiteyanê Amerika de seba wendekaran, malıman û emegdaranê mektebi yeno pırrkerdış.

Gıreyê teberi[bıvurne | çımeyi bıvurne]