Fehmî Bîlal
| Fehmî Bîlal | |
|---|---|
| Melumato şexsi |
Fehmi Bîlal (b. 1887, Licê - m. 1967, Dîyarbekîr) sîyasetmedar û nuştox û micadelekerdoxêko Kurd bî. Wextê Serewedartişê Şêx Seîdî de sey sekreterî ca girewt bî. Bi nameyê Fehmîyo Lîcyij zî şinasîyeno.
Serewedaritişê 1925î de ca gêno, şikîyayîşê micadeleyî ra dima şino Binxete yanî Kurdistanê Surîya. Ronayîşê Xoybûn de xebata ey zaf a. Ey bi ziwanê Fransizkî zî zanayêne, seba ney zî têkilî bî Ewropa ra ronay bî. Ey eserê La Fontaineî açarnaybî Kurdkî û heto bîn ra zî şiîrî nuştêne. Çi heyf o ke zafaneyê ci kewtê destê Dewleta Tirkan û ameyê veşnayîş. Û mîyanê înan de arşîvê Şêx Seîdî zî est bî.
Dewleta tirkan seba kurdanê Binxetî ke vakur ra şîyê weyra, efûyêk vejena. Fehmî Bîlal ageyreno vakur, labelê dewlete sozê xo nêana ca û ey sirgûnê Isparta kena. Weyra de nêweşîya ey giran bena, no semed ra dewleta Tirkan cezayê ey sist kena û destûr dana ey ke ageyro Kurdistan. Fehmî Bîlal, 1967 de mîyanê feqîrîye de rehmet keno.