Galımê Nice 2016

Wikipediya ra ensiklopediya xosere
Jump to navigation Jump to search

Galımê Nice 2016 tarixê 14 Temuze 2016 de be saeta Fransa 23.00 de suka Nice de serrageyrayışê (çerxiyayış) İxtılalê Fransa rê firazkerdışê Roca Bastille de ramıtoğê kamyoni Mohamed Lahouaiej Bouhleli kamyonê xo merdıman sero ramıto heştay u çehar (84) merdımi kıştê u sey (100) ra zêde merdımi zi kerdê dırbetın. Dıma polisan kamiya Mohamed Lahouaiej Bouhlel vato ke o Tunusıco u uca ra ameyo Fransa.

Şanê roca 14 Temuze 2016 de firazkerdışê Roca Bastille miyan de mocnayışê (şowê) hewaifışengi rê suka Nice de dormeyê deryayi de xeylê merdımi kom biyê. Be saeta uca 22.40 de Raya Promenade des Anglais de yew kamyono ke rengê cı sıpêyo kewto merdıman miyan, 90 km/s leze biyo. Kamyoni miyandê komê merdıman de dadı kilometre aver şiyo. Polisi, kamyoni ra dest kerdo u kamyon vera hotelê Palais de la Mediterranee de vınderno. Hema merdımo ke kamyon ramıtêne, kamyon ra ameyo war u başle kerdo dormey xo ra adır bıkero. Dıme ra zi polisi o ra adır kerdo u uca merdo.[1]

Galımi ra tepeya hukmatê Fransa hirê rocan rê matemo mılli ilan kerdo.[2] Serdarê Fransa François Holladei enê galımi galımê terori şınasno, vato ki Fransa teroristan ver de pêrodayışê xo do bıramo.

Referansi[bıvırne | çımey bıvırne]