Hippi

Wikipediya ra ensiklopediya xosere
Xıl de be pusula Xıl de cıgeyrayışi
Hippiyo Rus

Hippi vinayışo apolitiko kı gorê cı pêro merdımi, heywani u nebati wayirê dınyayê. Vinayışê hippi mutlaq red keno, ho rê sinor qabul nêkeno, hemey qanunan red keno u heyatê komuni (bı cemati weşiya ho ramıtış) aver rameno, gorê ho vinayışo serbesto. Hippiy serê seranê 1960yan dı veciy. İnan zemanê ho dı vera komunizm u faşizmi dı mendê, vato kı serbestiya merdımi zerrey ho dı ca gêno, terzê heyatiyo. Hippi camêrdi ya ji cıniki gênciya ho ra hetan sera hoya hirısi nas keno. Hippiyan rê dehana zêde freaks vajiyao, kamo kı narkotik gurino cı rê vatini. Hip getoyanê zenciyan ra ameyo gırotiş. Hippiy siyaset ra gıre nêbiy. Roj bı roj narkotizm, muzik u seks kowtê kulturê hippiyan miyan. Hippiyan dı vejetaryan werdış esto, goştwerdış çıniyo.

Hippiy vera Lejê Vietnami dı vındertê. Sera 1970 dı kulturê hippiyan resao Tırkiya. Estanbol dı zaf hippiy resay, vinayışo çep ra zaf hippiy kowtê hippiyan miyan u ana cıwiyay. Hippiy bı keyfweşi, muzik u cınayış (seks) piya eyni ray dı pay şiy. Gorê inan hemey ganiyê kı dınya sero weşiya ho rameni, eyniyê. İnan din, siyaset u çiyê zê inan qabul nêkerdi. Ê bawer kerdi kı merdım gerek serbet bo, çiyê qabul meko, kamiya mıli, din, aile pêro piya tabuyê. Hemey qalıbê kı sinor danê merdıman, inan qabul nêkerdo, sloğanê inan ji “lej mek, bına cı” biyo. Kıncê inan hera biy, ê gıjkın biy. Korê inan darıstanan dı weşiya ho ramıta, inan waşto kı heyatê tebii bıtepşê.

Koka Hippiyan[bıvurne | çımey bıvurnê]

Ma şenê vajê kı hereketê Hippiyan koka ho beat (beatnik ji vajino) ra gırota. Eno beat ji 1950an dı vejiyo, gorê cı eger merdım wazıno ho bıxılesno, gerekı problemê şari ra dûri vındıro, çiyi kı pilan ra gêni inan ra ji dûri bımano, meko. Serbestiya merdımi ji sermest bıyayış, muzilê cazi u cınayış ra verına. Serbesti zerriya merdımi dı ca gêna, merdım ey ınca ra bıgo.

Tırkiya dı hippiy[bıvurne | çımey bıvurnê]

Hereketê hippiyan pêyro dınya sero resao, Awrûpa ra zaf hipiyy amey Tırkiya. Kulturê Hippiy ji kowto gênc u xortanê Tırkiya miyan. Şarıstananê gırdan dı seranê des u panc, vist u panci miyan dı gênci kowtê Hippiyan miyan. Zaf merdımi hippiya ho ida kerda, ana diyê. Hukmatan hippiy sey nêweşi diy, derban ra tepeya ji hukmatan hippiy tepıştê.