Interpol
INTERPOL ( ebe zıwano İngılızki : International Criminal Police Organization; "Organizasyonê Polisio Enternasyonal") yew organizasyono ke serra 1923 de saz biyo u hedefê cı miyandê polisan kerdışê yewiyakariyo. Heta serra 1956 namê INTERPOli "Komisyonê Polisio Enternasyonal" biyo. Serra 1956 ra dıme namê cı vurniyayo u "Organizasyonê Polisio İnternasyonal" biyo. INTERPOL heme cıhan de , miyandê polisanê heme dewletanê cıhan de yew organizasyono de mıştereko. INTERPOL, Mılletê Yewbiyayey ra dıme, cıhan de organizasyono de dıyıne gırdo. Ewro 190 dewleti ezayê INTERPOLio. No organizasyon, ebe iştırakê dewletan finanse beno her serre u iştırakê dewletan her serre 30 milyon dolari ra zafêr beno. Merkezê organizasyono INTERPOLİ sûka Lyoni dero. Sûka Lyoni yew sûka de Fransaya. Serê INTERPOLi Ballestrazzi yo. Sekterê INTERPOLio pêroyi Ronald K. Noble yo u Noble miyandê sekteranê INTERPOLi de keso de tewr verêniAmerikano. Misyonê INTERPOLi obcektifbiyayışo u kamo ke illegal kar keno, tepiştışê inano. Organizasyonê illegali, terorizm, tıcaretê merdımi, çetey, karê illegalio organizey, karê finansal u teknolociko illegali, kerdışo sehte pere, kamo ki tacız keno, kamo ki pornografiya kidekan (domanan) ra cı rê raya kari keno, kamo ki qetılo u kamo ki raya illegali ra cı rê kar keno u bini, heme ninan u zafêri skala INTERPOLİ dero. Her çehar serri de seba serbiyayış, eleksiyon beno. Her hiri serri de zi, seba cêrserbiyayışi, eleksiyon beno. Her dewlet de buroy u merkezê cı esto. Serra 2001 de Sekteriya INTERPOLi Pêroyi 384 personali rê kar dayo, u no 384 personali 54 dewletê ezay temsıl kenê. Eyni menge de INTERPOL saetê karkerdışi 12 saeti ra 24 saeti rê veto u ebe no vurnayış, karê INTERPOLi asenêr biyo.