Joe Biden

Wikipediya, ensiklopediya xosere ra
Xıl de be pusula Xıl de cıgeyrayışi
Joe Biden
Joe Biden (48554137807) (cropped).jpg
Melumato şexsi
Dewlete Dewletê Yewbiyaeyê Amerika
Cınsiyet Camêrd
Cay biyayışi St. Mary's Hospital (d)
Biyayış
Wendış Syracuse University (en), University of Delaware (en) u Archmere Academy (en)
Gırwe Siyasetkar, Avoqat u akademisyen (d)
Fıkır Partiya Demokratike
Zıwani İngılızki
Partner Jill Biden (en)
Domani Beau Biden (en), Naomi Biden (d), Hunter Biden (en) u Ashley Biden (en)
Mae Jean Biden (d)
Pi Joseph R. Biden Sr. (d)
İtıqad Katolisizm
Website joebiden.com u joebiden.com/es/inicio
İmza İmzay cı


Joseph Robinette Biden Jr. (/ˌrɒbᵻˈnɛt ˈbaɪdən/, ROB-ih-NET BY-dən; b. 1942), yew siyasetkaro Amerikano u avuqato kıhano. O miyanê serranê 2009-2017 de wekilê serdari bi, demokrato, Partiya Demokratike ra eza biyo. Weçinê 2020ıne de be Kamala Harrise ra piya vıst a ser, ğalıb veciya, serdaro Amerikano newe çıniyao we.

Biden, 1942 de Scranton, Pensilvanya de ameo dınya. Kışta keyey ra İrlanda rao. Piyê ey Joseph Robinette Biden Sr., maya ey Atherine Eugenia Finnegan biye. Hirê bıray ey estê, Valerie, James Brian, u Francis W. 1953 de piyê ey keyey xo gırewto, ardo Claymont, Delaware. O zi uca de biyo pil. Uca mektebi wendê, 1961 de biyo mezun. Kewto Universitey Delaware u politika wenda.

Kariyerê ey[bıvurne | çımeyi bıvurne]

Biden serra 1970 de meclisê New Castle County de çıniyao we, 1972 de zi çıniyao we u biyo ezayêSenato u senatoro Amerikano şeştın'o tewr gênc (cıwan).[1]

Tarixê 3 Çele 1973yıne de, key ke biyo 31 serre, biyo senatorê eyaletê Dewletanê Yewbiyaeyan Delaware. Heta tarixê 20 Çeley 2009ıne na wezifa kerda, o tarix de zi biyo wekilê serdarê Dewletanê Amerika'ê Yewbiyaeyan. Key ke ey wezifay senatori kerdêne, ezaê Komita Gurey Teberi bi u serdariya nacay kerda.

2008 de biyo ezaê Partiya Demokratike ke bıkewo weçinitışi, labelê weçinê İowa kerdo vındi, coke ra zi anciyao.

Bideni 25ê Nisana 2019ıne de kampanyay xo kerde a. 18ê Tebaxa 2020ıne de zi Kongreo Nasyonal de bi ezao resmi. Sebebo ke cı rê peşti bo, wekila serdari Kamala Harris çinıte we.

Vênayışo politik[bıvurne | çımeyi bıvurne]

Joe Biden liberalo. Coke ra peşti dano ke caê kılisey heyatê merdıman de mebo, peşti dano heqanê ceniyan, zewecê hemcınsbazan, heqa kurtaji. Şevekneno ke ceniy be xo bışê qerar bıdê bedenê xo sero. Dormey (ekolociye) sero projanê aktifan gêno dest, qailo ke yew zemino hıquqi bêro vıraştene ke emisyonê gazi bêro kemi kerdene.

Ey desteg dao Lecê İraqi 2003yıne de, emma dıme ra vênayışê xo vırnao. Kışta bine ra xo Cıhudo 'ğeyri-siyonist şınasneno' u nezdiyê lobiyê Cıhudano. Fılıstini sero ideay dı dewletan mudefa keno u vano ke İsrail lazımo ke herrê ke işğal kerdê, xo cı ra banco.

Heyato şexsi[bıvurne | çımeyi bıvurne]

Joe Biden, tarixê 27 Tebaxa 1966ıne de be Neilla Hunter zeweciyao. Ceniya ey serra 1972i de merda. Pêdıma hirê qıcê inan biy, Beau, Hunter, Naomi. Serra 1977 de be Jill Jacobs zeweciyao. Yew keynay inan be namey Ashley B. (b. 1981) biya. Lacê ey Beau Biden serra 2015ıne de qanserê mezgi ra merdo.[2]

Referansi[bıvurne | çımeyi bıvurne]

Commons-logo.svg
Arşivê Embarê Wikimedya de heqa Joe Biden de vêşêri multimedya esta.