Kıştena Uğur Kurti

Uğur Kurd be lacê xo ra

Uğur Kurt cortê do Elewi bi ke roca pancşemiye, 23y Gulane 2014ıne de xortê do hirıs serre bi. Wexto ke peroc Estembol – Oxmeydaniye de, banê cemi (cemxane) de şi bi sereweşiye, qerşuna polisi ra merd.

O gırwekarê dê firmay taşeroni bi, wexto ke semtê Estanboli Oxmeydaniye de şi bi sereweşiye (xatırgormağiye), verê banê cemi (cemxane) de ke pay ra vınderde bi, saete 11ıne de bi hedefê jû qerşuna polisi, qerşune gınaê sere ro. Cao talde ra qerşune nawa pıra. A saete tağe (mehla) de seba Berkin Elvan şagırdanê (telebanê) universıtey protesto kerdêne, vanê, weqati veciyay bi. Oyo ke elaqay Uğuri be ê weqati çınê biye. Eke berdo nêweşxaney (xestexaney) Oxmeydani,ye Uğur sere ra bi bi dırbetın (bırindar) u xeylê goni kerdi biye vındi. Nêweşxane de ki nêşa ey raxelesnê (rareynê), şande merd.

Uğur ki zey ê kışiyaoğanê weqatanê Gezi’yê binan Elewi bi.