Berkin Elvan

Wikipediya ra ensiklopediya xosere
Xıl de pusula Xıl de cıgeyrayışi
Berkin Elvan
Berkinelvan.Jpeg
Dewlete Tırkiya
Karê cı Şagırd
Biyayış 5 Çele 1999
Merdış 11 Adare 2014

Berkin Elvan (b. 5 Çele 1999 – m. 11 Mart 2014), protestoyê Geziyê ke Tırkiya de verba hıkumeti amey kerdene, gêncê ke tey hetê polêsan ra kişiyay, inan ra yewo. Hewna 15 serre bi. Polisi ke na ey ra, tepeya ey nêweşxane de 269 roci mıcadelê weşiye da, feqet nêşa heyat de bımano, 11ê Martê 2014ıne de ruhê xo teslim kerd.

Piyê Berkini Sami Elvan Toqat ra Tırkmeno Elewiyo, maya ey zi Dêsım Pulur ra Zazaya Elewiya.

Şodır saete 8ıne de, roca 16ê Hezirane 2013yıne de ke Berkin Elvan veciyeno teber ke keyey xo rê nan biyaro, poliso ke hewna kamiya cı nêzaniyena, pê çeka qazi nano serey Berkini ra, pê kapsul keno dırbetın (bırindar). 269 roci koma ra tepeya eke be gıraniya 16 kiloy nêweşxaney Estanboli Oqmeydani de roca 11ê Marti (Adari) de şodır (şefaq/sıba) saete 7ıne de mıreno.

Poliso fail hewna nêzaniyeno. Mergê Berkini ra rocê tepeya ifaday 4 polisan gêriyaya; no sure de zi 18 polisi anciyayê sorği u sual ver.

Merdena ey ra dıme qezay Şişli, semtê Oqmeydani de yew banê cemi de gitê cenaza vıraziya. Nezdiyê panc saetan be hezaran mılet ra piya raye ra şiyayış ra dıme Mezelxaney Ferikoyiye (be tırki: Feriköy Mezarlığı) de cenazay ey darde we.

Gırey[bıvurne | çımeyi bıvurne]

  • Weziyetê Berkin Elvani qet rınd niyo [1]
  • Berkin: Domanê Rama Heqi [2]
  • Berkini sero be Zazaki sıware (şüare) [3]