Kulüp

Wikipediya, ensiklopediya xosere ra

Kulüp, têleserialê Netflixio u dramao ke Seren Yüce u Zeynep Günay Tane serra 2021 de anto. Têleserial de serrê Estanboliê 1950i qal benê. Kışta Beyoğlu de Cıhudanê Tırkiya ra xanıme Matilda u keyna xo Raşeli u hedisê ke dormey nê dı kesan de verênê gêriyenê dest. Têleseriali sero xeylê nuştey u kritik nusiyay. Têleserial tarixê Tırkiya de tarixê Cıhudan ano merdıman ver u merdımi pê tarixê Cıhudan pêri ano. Coka cematê Cıhudanê Tırkiya vênayışê do bini ra gêno dest.[1][2]

Kıştê da bine ra zi no têleserial ca dano zıwanê İspanyolkiyê Cıhudan zi. Zıwanê İspanyolkiyê Cıhudan ke Ladino zi vaciyeno, cokao ke yesax biyo hêdi hêdi hao mıreno. Wextanê veri de merdıman u bilxasa Cıhudanê Estanboli no zıwan qısey kerdêne.[3]

Têleserial be destê şırketê produksiyoni O3 Medyao u be ilhamê heyatê Rana Denizere ra vıraziyao.[4] Aysin Akbulut, Rana Denizer u Necati Şahin no têlserial nuşto. Kaykerê têleseriali Gökçe Bahadır, Barış Arduç, Asude Kalebek, Salih Bademci, Fırat Tanış u Metin Akdülgerê.[5]

Têleseriali Estanbol - Beyoğlu de dormey Zuqaqê İstıqlali de anciyao. Cıwiyayışê Cıhudanê Tırkiyaê ê demi mocniyao, ameo motış. Cokao ke İspanyolkiyê Cıhudan Ladino guriyao, da-pancas merdımi semedê Ladinoy rol gırewto.[6] Merdımê eksperti zi cematê Cıhudanê Tırkiya ra konsultantê têleseriali biy. Sezono verên şeş leti u sezono peyên zi çehar leti anciyay.[7] Sezono verên tarixê 5 Kasım 2021 de u sezono peyên zi 6 Çele 2022 de platformê Netflixio dicital de veciyo.

Kaykeri u karakteri[bıvurne | çımeyi bıvurne]

Referansi[bıvurne | çımeyi bıvurne]