Liv and Maddie

Wikipediya, ensiklopediya xosere ra
Liv and Maddie
Afiş
Şınasiye
Tewrê filmi Comedy television series
Zıwan İngılızki
Dewlete Dewletê Yewbiyaeyê Amerika
Demê vetışi
Direktor Andy Fickman
Kaykeri Dove Cameron, Joey Bragg, Tenzing Norgay Trainor, Kali Rocha, Benjamin King û Lauren Lindsey Donzis
Domnayış 22 Deqiqe
Sezoni 4
Letey 80
Destpêkerdış
Cay Serameyi Wisconsin

Liv and Maddie (be Zazaki: Liv u Maddie), yew sitcomo ke sezonê 2013-2017 de Dewletanê Amerikaê Yewbiyayeyan de têlevizyonê Disney Channel de sıfte kerdo.[1]

Sitcom DAY de tarixê 19 Temmuz 2013 de mocniyao, 15 Keşkelun 2013 de zi veciyao têlevizyon. Tırkiya de roca 7 Heziran 2014 Şeme de kanalê Disney Channel veciyao têlevizyon. Liv u Maddie, dı waê ke yew bini ra zaf ferqê xo estê. Liv kariyerê xo zey estara Hollywoodi ramena, Maddie zi timê basketboli de kay kena. Liv Hollywoodi ra tepeya ageyrena keyey xo. Reya verêne de keye beno şa ke keyna xo ameya hama dıme ra heme çi vıriyenê.[2]

Tarixê 13 Çele 2014yıne de kanalê Disneyi Liv and Maddie newe ra veto 13-episodan rê u sezono dıyın u leteo premier vaciyao ke do payızê serra 2014yıne de bo.[3] Dıme ra inan sezono dıyın vırnao, kerdo hira u çarnao vist u çehar (24) letan. Sezono verên tarixê 27 Temuze 2014yıne de qediyo u sezono dıyın dest pê kerdo be tarixê 21 Keşkelun 2014yıne de. Kanalê Disneyi sitcom reyna veto, zerrek newe kerdo, sezono hirêyın vıraşto u veciyao têlevizyoni tarixê 3 Nisane 2015yıne de.[4]

Kaykeri u karakteri[bıvurne | çımeyi bıvurne]

Karakterê filmi nêyê:

  • Liv (Dove Cameron, Dublor - Emmy Buckner): Hetê keyey xo ra zaf siniyena. Key ke a biya pıte, game eşta sexney. Filmê xoyo peyên "Sing It Loud!" ra tepeya ageyrena kışta keyey xo.
  • Maddie (Dove Cameron, Dublor - Shelby Wulfert): Livi ra zaf ciyaya, keyna bina. Heyatê cı zey waya xo niya. Lisê Ridgewoodi de timê basketboli de kay kena. Piyê xo qoçê timê basketbolio. Yew laci sinena hama nımnena, nêvana ey.
  • Joey (Joey Bragg): Dı bıranê keynan ra yewo. Baqıl niyo, mezgê xo nêgırweneno. Bıraê xoyo qıc Parkeri gırweneno, kenê parçey emelanê xo.
  • Parker (Tenzing Norgay Trainor): Çehar qecekan (domanan) ra tewr qıteko. Bınê heme kerre ra o veciyeno, tım problemi vırazeno.
  • Karen (Kali Rocha): Maya keyeya, tım wazena keyey xo idare kero, çımê xo keynanê xo sera nêancena, qaytê inan kena.
  • Pete (Benjamin King): Piyê keyeyo, zey cêniya xo keyey xo idare nêkeno. Peşit dano keyna xo Maddia. He was not present in the fourth season.
  • Ruby (Lauren Lindsey Donzis): dedkeyna Rooneyiya ke yewendes (11) serria u keyna Denaya ke weşiya xo ramena Kaliforniya de. A gorey Parkeri qıtekêra u wazena ke zey Livi akstrisê da namdare bo. A kewnena filmi sezono hirêyın ra tepeya.

Resepsiyon[bıvurne | çımeyi bıvurne]

Kritikê filmi u têversanayış be filmanê binan[bıvurne | çımeyi bıvurne]

Filmi sero kritiki amey kerdış. Şırketê Medya Common Sensei kalitê filmi zey filmê cıwanan şınasnao u vato ke bınê serra hewti rê vıraziyao. Ashby zi filmi zey filmê qeçekan şınasnao. Yew komediyo ke reqabetê dı wayan qısey keno, film zi zey komediyanê binano vaciyao.[5] Neil Genzlingerê The New York Timesi têversanayışê filmi be filmê The Patty Duke Show kerdo, komediyo nerm ifade kerdo.[6]

Reytingi[bıvurne | çımeyi bıvurne]

Sezon Episodi Veciyayışo verên Veciyayışo peyên Vênayışo averaj
(milyoni)
Tarix Vênayışi
(milyoni) 		Tarix Vênayışi
(milyoni)
1 20 Temuz 19, 2013 (2013-07-19) 5.78[7] Temuz 27, 2014 (2014-07-27) N/A 2.87
2 24 Keşkelun 21, 2014 (2014-09-21) 2.04[8] Tebaxe 23, 2015 (2015-08-23) 2.45[9] 2.17
3 20 Keşkelun 13, 2015 (2015-09-13) 1.80[10] Heziran 19, 2016 (2016-06-19) 1.53[11] 1.87
4 15 Keşkelun 23, 2016 (2016-09-23) 1.66[12] Adar 24, 2017 (2017-03-24) 1.30[13] 1.21

Mukafati u namzedi[bıvurne | çımeyi bıvurne]

Serre Mukafat Kategoriye Peyniya namzedbiyayışi Ref.
2014 Kids' Choice Awards Mexico Programo İnternasyonalo Favori Namzed bi
Kids' Choice Awards Mexico Programo İnternasyonalo Favori Namzed bi
2015 Kids' Choice Awards Colombia Programo İnternasyonalo Favori Namzed bi
2016 Teen Choice Awards Choice TV Show: Comedy Namzed bi [14]
Kids' Choice Awards Mexico Programo İnternasyonalo Favori Namzed bi [15]
Kids' Choice Awards Colombia Programo İnternasyonalo Favori Gırewt [16]
Kids' Choice Awards Argentina Programo İnternasyonalo Favori Gırewt [17]
2017 Kids' Choice Awards Mexico Programo İnternasyonalo Favori Gırewt
Kids' Choice Awards Colombia Programo İnternasyonalo Favori Gırewt
Kids' Choice Awards Argentina Programo İnternasyonalo Favori Gırewt

Referansi[bıvurne | çımeyi bıvurne]

  1. ↑ Newcomer Dove Cameron Lands Dual Roles in Upcoming Disney Channel Sitcom Liv and Maddie Archived 2013-03-13 at the Wayback Machine).
  2. ↑ Steelers fanatic behind Disney's new series 'Liv and Maddie'
  3. ↑ Disney Channel Renews Liv and Maddie
  4. ↑ Liv and Maddie Renewed for Third Season on Disney Channel
  5. ↑ Liv and Maddie TV Review
  6. ↑ Liv and Maddie Offers Shades of The Patty Duke Show
  7. ↑ Friday's Cable Ratings
  8. ↑ Top 25 Sunday Cable Originals: 9.21.2014
  9. ↑ Top 100 Sunday Cable Originals & Network Update: 8.23.2015
  10. ↑ Top 100 Sunday Cable Originals & Network Update: 9.13.2015
  11. ↑ Top 150 Sunday Cable Originals & Network Finals: 6.19.2016
  12. ↑ Top 150 Friday Cable Originals & Network Finals: 9.23.2016
  13. ↑ Top 150 Friday Cable Originals & Network Finals: 3.24.2017
  14. ↑ Teen Choice Awards 2016 Nominations Announced
  15. ↑ "Kids Choice Awards Mexico 2016". Archived from the original on 2017-08-29. https://web.archive.org/web/20170829081529/https://kidschoiceawardsmexico.mundonick.com/votar#cat=programa_internacional_mx. 
  16. ↑ Kids Choice Awards Colombia 2016
  17. ↑ "Los Pre-Nominados a los Kids’ Choice Awards Argentina 2016". Archived from the original on 2020-10-22. https://web.archive.org/web/20201022033115/http://television.com.ar/los-pre-nominados-a-los-kids-choice-awards-argentina-2016/24071. 

Linkê teberi[bıvurne | çımeyi bıvurne]

  • Liv and Maddie IMDb de (İngılızki)
  • Liv and Maddie TV.com deLua error Xetay pele Modul:WikidataCheck dı rêza 33 de ya: attempt to concatenate local 'catbase' (a nil value). (İngılızki)
Retrieved from "https://diq.wikipedia.org/w/index.php?title=Liv_and_Maddie&oldid=481084"